14.02.2025 463

14 ақпан – Дүниежүзілік кітап сыйлау күніне орай, Х.Досмұхамедов атындағы Атырау университеті ректоры Саламат Идрисов ғылыми кітапхана қорын толықтыру мақсатында бірнеше құнды кітап тарту етті.

Университеттің профессор-оқытушылар құрамы мен студенттері бұл кітаптарды пайдалана отырып, жаңа білімге қанығып, ғылыми-зерттеу жұмыстарында қолдана алады.

Атырау университетінде кітап сыйлау дәстүрі 2012 жылдан бастау алады. Сол жылы оқу орнының сол кездегі ректоры Бейбіт Мамраев алғаш болып кітапханаға кітап сыйлап, бұл игі бастаманы дәстүрге айналдырған еді.

Жас ұрпақты білімге, ізденіске және кітап оқуға баулуды мақсат еткен оқу орнында кітапхана қорын байыту, әрі студенттерге сапалы білім алуға жағдай жасау алдағы уақытта да жалғасын табады.

Баршаңызды осы ерекше күнмен құттықтай отырып, кітап оқуды өмірлік дағдыға айналдыруға шақырамыз!

Тізімге қайта оралу