Атырау университетінде «Жастар рухы» бөлімшесі ашылды
Х.Досмұхамедов атындағы Атырау университетінде «Жастар рухы» бөілмшесі жұмысын бастады. Бөлімше жетекшісі лауазымына 2 курс студенті Сабрина Ұлымбетова тағайындалды.
«Жастар Рухы» жастар қанаты – білімге ұмтылған, мыңдаған патриот жастардың басын біріктірген ұйым. «Бастауыш партия ұйымымен, университеттің жастар қанаты тығыз байланыста жұмыс жасайтын «Жастар рухы» бөлімшесін ашуды жөн көрдік. Бөлімше өткен аптада өз жұмысын бастады. Бөлімшенің жетекшісін тағайындауға бұйрық шығарылды. Университет пен «Бірлік» БПҰ тарапынан қолдау болады деп сенемін», - дейді «Жастар рухы» Атырау облысы филиалының төрағасы Абылай Құрметұлы.
Жиында бөлімше жетекшісі қызметіне студенттер арасынан ашық түрде дауыс беру арқылы таңдалған көптілді білім беру факультетінің 2 курс студенті Сабрина Ұлымбетова тағайындалды. Сонымен қатар, кездесуде Абылай Құрметұлы жас жетекшіге «Жастар рухы» төсбелгісін табыстады.
Кездесу соңында студенттер пікір алмасып, естелік суретке түсті.
ПІКІРЛЕР