УНИВЕРСИТЕТ ҚЫЗМЕТКЕРЛЕРІ МАРАПАТТАЛДЫ
Бүгін Х.Досмұхамедов атындағы Атырау университетінің ғылыми кеңес жиынында бірқатар қызметкерлер мен оқытушы-профессорлар марапатталды. Марапат иелерін Басқарма төрағасы-ректор Саламат Идрисов құттықтап, жиында табыстады.
ҚР Ғылым және жоғары білім министрлігі ғылымға қосқа үлесі үшін төсбелгісімен Атырау университетінің академиялық мәселелер жөніндегі проректоры Асхат Чукуров марапатталды. Ал, министрліктің сапаны қамтамасыз ету комитетінің шешімімен «қауымдастырылған профессор» атағын математика және математиканы оқыту әдістемесі кафедрасының оқытушысы физика-математика ғылымдарының кандидаты Нұргүл Шаждекеева алды. Сонымен қатар, Көптілді білім беру факультеті қазақ тілі мен әдебиеті кафедрасының профессор, филология ғылымдарының кандидаты Гүлнәр Жұмабаеваға министрліктің тіл комитетінің «Тіл жанашыры» құрмет дипломы табысталды.
Ғылыми кеңесте Халықаралық «Қазақ тілі» қоғамдық бірлестігі Астана қалалы филиалының ұйымдастыруымен Атырау облысында өткен «Сарайшық – бабалар мұрасы» жобасын сәтті іске асыруға үлес қосқаны үшін гуманитарлық ғылымдар және өнер факультеті бейнелеу өнері және дизайн кафедрасының меңгерушісі Әсел Бекешова, оқытушылары Ғаділбек Әджанов, Мырзатай Мажитов, Еркебұлан Насиполлев, Атырау университетінің баспасөз хатшысы Жәнібек Ғалым қоғамдық қор мен Ахмет Байтұрсынұлы атындағы тіл білім институтының «Ахмет Байтұрсынұлы» төсбелгісімен марапатталды.
ПІКІРЛЕР