Атырау облыстық пара волейбол клубының ойыншылары университет қабырғасында
Х.Досмұхамедұлы атындағы Атырау университетінде волейболдың отырып ойнау түрінен ҚР чемпионатының 13 дүркін жеңімпазы, Атырау облыстық пара волейбол клубының ойыншыларымен кездесу өтті.
Дене шынықтыру және бастапқы әскери дайындық кафедрасының ұйымдастырумен өткен жиынға оқытушы-профессорлар қауымы мен студенттер қатысты.
Атырау облысында параволейбол спорты 2002 жылдан бастап дамып келеді. Бүгінде атыраулық команда елімізде 13 дүркін чемпион атанды.
Команданың бас жаттықтырушысы Бауыржан Тахауов бастап, жаттықтырушылары Расул Иманғалиев пен Ернар Матеуов қостаған жеңімпаз ойыншылар спорттық мансаптарындағы қызықты естеліктерімен бөлісіп, мотивацияға толы әңгіме өрбітті.
Іс-шара барысында студенттер өздеріне қажетті тәжірибені жинап, ойыншыларға сұрақтар қойып, ашық пікірталас өрбіді.
Кездесу соңында қатысушылар Атырау облыстық пара волейбол клубының ойыншыларымен естелік суретке түсті.
ПІКІРЛЕР