Институционалды аккредиттеу басталды

7 қазан күні Х.Досмұхамедов атындағы Атырау университетінде институционалды аккредиттеу басталды.

Аккредиттеуді Білім берудегі сапаны қамтамасыз ету жөніндегі Тәуелсіз агенттігі (IQAA) өткізуде.

Білім беру ұйымының сапасын және белгіленген стандарттарға сәйкестігін бағалау процесін барлығы 7, соның ішінде 1 шетелдік сарапшы жүзеге асырады.

Атырау университеті қабырғасындағы аккредиттеудің бірінші күнінде басқарма төрағасы-ректор С.Н.Идрисовпен, академиялық мәселелер жөніндегі проректор А.Е.Чукуровпен, ғылым және халықаралық байланыстар жөніндегі проректор К.М.Өтепқалиевамен, әлеуметтік мәселелер және жастар саясаты жөніндегі проректор Л.Е.Қойшығұловамен, факультет декандарымен, кафедра меңгерушілерімен, құрылымдық бөлім басшыларымен, профессор-оқытушылар құрамымен және магистранттармен кездесу-сұхбаттар жүргізілді.

Сонымен қатар, оқу орнының материалдық-техникалық және оқу-зертханалық базасы таныстырылды.

Сарапшылар білім ордасындағы институционалдық аккредиттеудің бірінші күніндегі өз жұмысын тәмамдады.

Тізімге қайта оралу