ТҮРІК ПРОФЕССОРЫ АЙЛИН ГЁЗТАШ ДӘРІС ОҚИДЫ
Х.Досмұхамедов атындағы Атырау университетінің басқарма төрағасы-ректоры Саламат Идрисов Түркияның Измир қаласында орналасқан Эге университетінен келген профессор Айлин Гёзташты қабылдады.
Кездесу барысында С.Идрисов шетелдік ғалымға университеттің ғылым саласындағы негізгі бағыттарын таныстырып, бірлесе атқаратын жұмыстарына сәттілік тіледі.
Орхун бағдарламасы аясында келген түркиялық профессор Атырау университетінде бір айға жуық оқытушылар мен студенттерге дәрістер оқып, тәжірибесімен бөлісетін болады. Айлин Гёзташ негізінен қоғаммен байланыс, антикризистік басқару, корпоративтік коммуникациялар, жобаларды басқару және жаңа медиа сынды бағыттарда мол тәжірибесі бар. Ағылшын және француз тілдерін жетік меңгерген маман, ғылыми орта беделді зерттеуші.
Шетелдік ғалымның өңірімізге келген сапарында, журналистика және қоғаммен байланыс кафедрасының жоғары курс студенттеріне семинар-тренингтер өткізіп, облыстық БАҚ өкілдеріне сұхбат береді.
ПІКІРЛЕР