Erasmus+ бағдарламасының мүмкіндіктері таныстырылды

16 қыркүйекте Х.Досмұхамедов атындағы Атырау университетінің басқарма төрағасы-ректор Саламат Идрисов Erasmus+ бағдарламасының Қазақстандағы Ұлттық кеңсесінің үйлестірушісі Лаура Палуанованы қабылдады.

Кездесуде Атырау университетінің аталған бағдарлама аясында атқарылған жұмыс нәтижелері, алдағы жоспарларды жүзеге асыру барысы талқыланды.

Іскерлік кездесу оқытушы-профессорлар құрамы қатысқан кеңейтілген жиынға ұласты.

Жиында Лаура Қалабайқызы Erasmus+ бағдарламасының мүмкіндіктерімен таныстырып, өзгерістері мен жаңалықтарын атап өтті. Соның ішінде Erasmus Mundus, Жан Моне жобалары, академиялық ұтқырлық бағдарламалары туралы тоқталып, алдағы уақытта үміткер қатысушылардың сұрақтарына жауап берді.

Erasmus+ бағдарламасы аясында университетте әр жылдары SusDev, TRUNAK, Creative Spark, TRIGGER атты жобалары өткізілді. Бұл жобалардың барлығы Қазақстанның, Еуропа елдерінің, Орта Азия мемлекеттерінің Жоғарғы оқу орындарының ынтымақтастығында жүзеге асырылды. Аталған жобалардың топ жетекшілері кездесуге қатысып, жобалардың барысы мен нәтижелері туралы ақпаратпен бөлісіп, университет ішінде бағдарлама аясында ашылған орталықтармен таныстырды.

Тізімге қайта оралу