Мақат ауданының құрылғанына - 100 жыл!

Х.Досмұхамедов атындағы Атырау университетінің басқарма төрағасы-ректор Саламат Идрисов аудан халқын мерейтойымен құттықтады.

Сондай-ақ, ауданың түлектері, университетіміздің ғалымы тарих ғылымдарының докторы Лесқали Бердіғожин және әл-Фараби атындағы ҚазҰУ-дың профессоры, филогогия ғалымдарының кандидаты Мәншүк Мұқашева “Мақат ауданның Құрметті азаматы” атанды.

Басқарма төрағасы-ректор Саламат Идрисов құттықтауында: “Мақат ауданы – Қазақстанда мұнай өнеркәсібінің дамуы бастау алатын, жер қойнауындағы пайдалы қазбалар қоры мол аумақ. Өндірістің қозғаушы күші – еңбекққор мұнайшылар. Ауданның ғасырлық тарихы қазақ мұнайын өндірудің қатпарлы шежіресін жазып, ел мақтанышына айналған қазақ мұнайшыларының династиясын қалыптастырды. Аудан жұртшылығын ғасырлық мерейтойымен құттықтай отырып, қастерлі де қасиетті мекеннің өркендеп, өсіп-өнуіне тілектестік білдіремін” - деді.

Сонымен қатар, ректор ауданан түлеп ұшқан талай талантты өрен, елге белілі өнерпаздардың бірқатары Х.Досмұхамедов атындағы Атырау университетінде жоғары білім алып, әртүрлі салада еңбек етіп келеді, оқу орынында қызмет етіп жүргендері көп екендігін жеткізді.

ХХ ғасырдың басында құрылған аудан бүгінде Қазақстаның мұнай саласындағы ірі ұлттық өнеркәсібінің қалыптасуы мен дамуына, әлемдік деңгейдегі танылуына айрықша ықпал етіп, мызғымас тұғырына айналған.

Мерейтой қарсаңында жарық көрген Мақат ауданының энциклапедиясын құрастырып шығаруға Атырау университетінің тарихшы ғалымдары, оқытушы-профессорларынан С.Сапанов, Л.Бердіғожин, А.Ахмет, С.Қуаныш сынды танымал ғалымдар қатысқан.

Мақат ауданының ғасырлық мерейтойы құтты болсын!

Тізімге қайта оралу