Ректор спортшы Гүлбахыт Қайыржанованы қабылдады

Бүгін Х. Досмұхамедов атындағы Атырау университетінің басқарма-төрағасы, ректоры Саламат Идрисов Парижде өткен жазғы паралимпиада ойындарына қатыстқан, университет студенті Гүлбахыт Қайыржанова мен бапкері Нұрберен Әміржановты қабылдады.

Қабылдауда Саламат Идрисов споршыға алғыс білдіріп, университетте тегін білім алуға грант берді.

Өз кезегінде спортшы университет басшысына Париж төрінде өткен сайыста жанкүйер болғаны үшін алғыс білдірді.

Жеңілатлет Гүлбахыт Қайыржанова Парижде өткен паралимпиада ойындарында найза лақтыру (F13 класы) бойынша 34.23 м нәтижесімен бесінші орын алған болатын.

Тізімге қайта оралу