"БІЛІМДІ ЕЛГЕ" - 10 ЖЫЛ!
Газет – жаһандану дәуіріне қарамастан қоғамдық ой-сананың қалыптасуында, мемлекеттің әлеуметтік-экономикалық, идеологиялық бағытта жүргізіп отырған саясатын бұқара халыққа жеткізуде дәстүрлі ақпарат құралдары болып қалатынына сенім мол.
Бұл ретте Атырау университеті басшылығы мен профессор-оқытушылар құрамы атынан елдегі білім беру саласының барлық деңгейіндегі жұмыстарының жәй-жапсарын, ондағы өзекті мәселелер мен толымды табыстарды жарыққа шығаруда, ел арасында насихаттауда ойып орын алған беделді басылым «Білімді ел – Образованная страна» республикалық апталық қоғамдық-саяси газетін құрылғанына 10 жыл толуымен құттықтаймыз!
Осынау мерейлі кезеңде газет ұжымына ұлт ұстазы Ахмет Байтұрсынұлы айтқандай, «Халықтың көзі, құлағы һәм тілі» деген аталы сөзге лайықты болып, ұдайы оқырмандар үдесінен шығу, көптің көкейіндегі түйткілді дөп басып жеткізе білетін басылымға айналуына тілектеспіз. Редакция ұжымына шалқар шабыт, еңбектеріңізге жеміс тілейміз.
ПІКІРЛЕР