KHALEL QUIZ – БІЛІМДІ СТУДЕНТТІ АНЫҚТАДЫ
Интеллектуалдық кешке әр факультеттің 1-курс студенттерінен құралған 6 команда қатысты. Өзара мықтыны анықтаған бәсеке:
«TesTez», «өзжұмбақ», «Аудио сұрақтар», «Тақырып», «Сәйкестендір», «Суретті сұрақтар» деп аталатын алты кезеңнен тұрады. Студенттердің логикалық ойлау мен есте сақтау қабілетін сынға салған сайыс еркеше форматта өтті.
Интеллектуалдық ойын қорытындысы бойынша «IBB ICE», «Аралас» және «ФизМат» командалары алтыншы, бесінші және төртінші орынға тұрақтаса, Жаратылыстану факультеті – ІІІ-орын, Көп тілді білім беру факультеті студенттері – ІІ-орынды иеленіп, жүлдегерлер қатарынан көрінді.
Ал сайыстың бас жүлдесін – Гуманитарлық ғылымдар және өнер факультетінің «ГумФак Gold» командасы жеңіп алды.
Бейімдеу аптасы аясында өткен KHALEL QUIZ интеллектуалдық ойынына қатысқан барлық команда арнайы номинациялармен және естелік сыйлықтармен марапатталды.
ПІКІРЛЕР