Атырау университетіне шетелдік ғалым келді
Бүгін университетіміздің Басқарма-төрағасы, ректоры Саламат Идрисов Германияның Иоганн Гутенберг атындағы Майнц университетінен келген философия ғылымдарының докторы, түрік әдебиетін зерттеуші Петр Кучераны қабылдады.
Кездесу барысында Саламат Идрисов шетелдік ғалымға университеттің ғылым саласындағы негізгі бағыттарын таныстырып, бірлесе атқаратын жұмыстарына сәттілік тіледі.
Қазақстанға алғашқы рет келіп отырған Петр Кучера, атыраулық ғалымдардың айналысып жатқан жұмыстарымен танысуға қызығушылық білдіріп, өз тәжірибесімен бөлісуге ниетті екенін айтты.
Шетелдік ғалым Атырау университетінде бір ай көлемінде оқытушылар мен студенттерге дәрістер оқып, семинарлар жүргізеді. Осы аралықта университет шетелдік оқу орындарымен әріптестік қарым-қатынас, серіктестік байланыс орнатуды жоспарлап отыр.
ПІКІРЛЕР