1 КУРС СТУДЕНТТЕРІН МАМАНДЫҚҚА БЕЙІМДЕУ АПТАЛЫҒЫ ӨТІП ЖАТЫР
Х.Досмұхамедов атындағы Атырау университетінің басқрама төрағасы-ректор Саламат Идрисов 1 курс студенттеріне сәттілік тіледі. Оқу орынында жылының басталуына орай, білім алушыларды мамандыққа бейімдеу апталғы өтіп жатыр.
Бейімдеу апатасында әрбір факультет жұмыс берушілер мен қоғамға белгілі тұлғаларды, өз мамандығы бойынша жетістікке жеткен азматтарды 1 курс студенттеріне дәріс оқуға шақырып, ауқымды кездесулер ұйымдастырып жатыр.
«Сіздер бейімдеу апталығында оқу үдерісімен, университеттің барлық мүмкіндіктерімен танысып алуыларыңыз керек. Жақсы оқитын, талапшыл жастарға әрдайым қолдау көрсетеміз. Бұл универистет – 85 жылдық тарихы бар іргелі оқу орны. Елімізге есімі белгілі талай азамат түлеп ұшқан қасиетті қара шаңырақ. Сондықтан да Сіздер университетіміздің абыройын асқақтатып, ғылым мен білім саласында үлкен жетістіктерге жетеді деп сенемін», - деді басқарма төрағасы-ректор С.Идрисов.
Физика, математика және ақпараттық технологиялар факультеті мамандыққа бейімдеу апталығы аясында студенттерге дәріс оқуға - «ҚазРоботикс Федерациясы» РҚБ Атырау облыстық филиал директоры Асқар Алдан, «A-Pro Academy» директоры Айдын Бисембаев, «Ұлттық сараптау және сертификаттау орталығы» АҚ сарапшы маманы Кулян Кулбаева, «Жастар Рухы» Жастар қанаты Атырау облыстық филиалы төрағасы Абылай Құрметұлы сынды білікті мамандарды шақырған.
Сондай-ақ, Инновациялық білім беру факультетінде де бейімдеу апталығына байланысты студенттерге оқу барысы жайлы ақпараттар берілді. Биыл аталған факультетке 2024-25 оқу жылында 693 студент қабылданған. Олардың қатарында мемлекеттік грант негізінде 56, жергілікті әкімдік гранты бойынша 31 студент оқуға түскен.
Ал Гуманитарлық ғылымдар және өнер факультеті журналистика және қоғаммен байланыс кафедрасының болашақ журналистері мен дінітану мамандығының студенттері белгілі журналист, публицист Исатай Балмағамбетовтің дәрісін тыңдады.
ПІКІРЛЕР