Төрт жақты Меморандумға қол қойылды
Х.Досмұхамедов атындағы Атырау университеті мен ҚР ІІМ Атырау облыстық полиция департаменті, Атырау облысының денсаулық сақтау басқармасы және «Жаңа уақыт» қоғамдық қоры басшылары арасында өзара ынтымақтастық жөніндегі Меморандумға қол қойылды.
Меморандум-заңсыз есірткі айналымымен күрес маңыздылығын ескере отырып, тығыз іскерлік қарым-қатынасқа, тараптардың жоғары жауапкершілігі мен нашақорлық дертімен күрестегі ортақ мүддеге негізделеді.
Университет ректоры Саламат Нұрмұханұлы заман дертіне айналған бұл мәселенің қоғам үшін өзектілігін, жастарға түсіндіру жұмыстарын жүргізудің маңыздылығын, әлеуметтік желілер арқылы ақпараттардың дұрыс таралуына мән беру керектігін айтып өтті.
Сонымен қатар, тараптар үшін маңызды құжатқа қол қою барысында "Жаңа уақыт" қоғамдық қорының басшы "кибер-волонтер" ұғымы туралы түсінік беріп, студенттермен жасалған жұмыстың нәтижесіне кеңінен тоқталды.
ПІКІРЛЕР