Атырау университетінде Upgrade курстар...
Х.Досмұхамедов атындағы Атырау университеті – біліктілікті арттыру курстарын ұйымдастыруға үлкен мүмкіндігі бар жоғары оқу орны. Қазіргі өмірдің өзінен туындап отырған талаптарды орындау, жаңашылдыққа жаршы болу үзіліссіз білім мен тәрбие негізінің бастауы – бастауыш сыныптарда. Сондықтан Атырау университеті өзінің түлектеріне «Цифрлық оқыту ортасында бастауыш мектеп сабақтарындағы геймификация» тақырыбындағы бастауыш мектеп мұғалімдеріне арналған біліктілікті арттыру Upgrade курстарын (72 сағат, ақысыз түрде) ұсынып отырмыз.
Университеттің 1989 ж., 1996 және 1997 жылдары және бертін жылдары бітірген және кезінде сырттай бітірген түлектерімізге арналған Upgrade курсын бастады. Неге upgrade? Жалпы "upgrade" cөзі ағылшын тілінен аударғанда, «жаңарту» дегенді білдіреді. Заманауи тәсілдермен біліктілік курстарын өткізу – әлеуметтік жауапкершілігіміз деп есептейміз. Бұл курста бастауыш сынып мұғалімдерінің пән бойынша цифрлық сауаттылығы мен дағдыларын жетіледі және цифрлық білім беру ресурстары туралы терең білім алып шығады. Сонымен бірге бастауыш сынып пәндерінде геймификация әдістерін қолдану дағдыларын дамыта алады. Педагогтердің біліктілігін арттыру – оқыту және оқыту сапасын арттыру үшін жаңа білім алуға, сондай-ақ бұрын алған кәсіби білімдерін, біліктерін, дағдылары мен құзыреттерін қолдауға, кеңейтуге, тереңдетуге және жетілдіруге мүмкіндік беретін кәсіптік оқыту нысаны.
Курсты кадрларды қайта даярлау және біліктілікті арттыру кеңсесі ұйымдастыруда. Оқытушы тренерлер «Бағдарламалық инженерия және «Мектепке дейінгі және бастауыш білім беру кафедраларының аға оқытушылары, PhD мен магистрлер.
Курстың алдағы күндеріне сәттілік тілейміз!
ПІКІРЛЕР