30.05.2024 500

Бүгін Х.Досмұхамедов атындағы Атырау университеті мен «Назарбаев Зияткерлік мектептері» АҚ «Атырау қаласындағы химия-биологиялық бағыттағы Назарбаев Зияткерлік мектебі» филиалы мектебімен бірлескен "Педагогикалық шеберхана" жобасының 1 жылғы жасалған жұмысы қорытындыланды. 2023 жылдың қазан айында екі мекеме арасында ынтымақтастыққа қол қойылды. Бұл меморадумның мақсаты: болашақ мұғалім болатын студенттеріміздің тәжірибесін шыңдау, мектептегі тәрбие жұмысын ұғынуына көмектесіп, бастамаларына қолдау көрсету. Осы мақсат барысында "Педагогикалық шеберхана" жобасы ұйымдастырылып, әр аптаның сенбі күні университет базасында Назарбаев зияткерлік мектебінің ғылыми-әдістемелік жұмыстар жөніндегі директор орынбасары Қазбек Ғазизұлы Каныбеков педогогика бағыттағы түлектерге курс өткізді. Құнды курс болды деп есептеймін. Курс барысында студенттерімізге курс материалдары қолжетімді болды. Жобаға қатысушылар курс соңында шағын сабақтар көрсете алды. Шағын сабақ кезінде студенттер қазақ және ағылшын тілдерінде қорғады және курс барысында оқыған тақырыптары бойынша сұрақтарға жауап берді. Сонымен бірге қорытынды тест тапсырды. Екі жұмыстың нәтижесі бойынша 6 студентіміз 2 және 30 мамырда тағылымдамадан (стажировка) өтті. Қазыбек Ғазизұлы да білім алушыларымыздың теориялық біліміне, креативті ойларына, коммуникациялық дағдыларына ерекше тоқталды. Сонымен бірге, НЗМ мектебінің басшысы Ералы Қыдырбайұлы тағылымдамадан өткен студенттерді 12 маусымда өтетін конкурсқа шақырды, жұмысқа қалуға да мүмкіндік береміз деді. Біз үшін қуантарлық жағдай. "Педагогикалық шеберхана" тәлімгерлік жобасы болашақ жас маманның кәсіби бейімделу процесінің маңызды элементі болып табылады. Жастардың шеберлік тәжірибесін жетілдірудің тиімді тәсілі. Сонымен қатар, бұл процестің пайдасы екі жақты: болашақ жас мұғалім педагогикалық тәжірибесін байытса, ал тәлімгер ұстазы біліктілігі мен кәсіби шеберлігін арттыра алады, тәжірибелі мұғалім мен жас мұғалім арасындағы тұрақты, нақты диалог қалыптасады. Шара соңында жобаға қатысушы студенттер сертификатталды. Жоба жұмысын жандандыруға атсалысқан Қазыбек Ғазизұлы Басқарма төрағасы-ректор Саламат Нұрмұханұлының атынан Алғыс хатқа ие болды. Шараға университеттің вице-проректоры Жанар Сүлейменова және кадрларды қайта даярлау және біліктілікті арттыру кеңсесінің жетекшісі Гүлжан Нұрсұлтанова қатысты.

Тізімге қайта оралу