17.05.2024 401

Жоғары және жоғары оқу орынынан кейінгі білім беру комитеті төрағасының орынбасары Ақерке Абылайхан және университеттің Басқарма төрағасы-ректор Саламат Идрисов Алмалы ауылындағы тасыған суға қарсы тұрғызылған бөгеттің қосымша нығайту жұмыстарымен танысып қайтты. Айта кету керек бұл аймақта бөгеттер толығымен тұрғызылып, қазіргі таңда қосымша нығайту жұмыстары жүруде. Тасыған суға қауіпті деген жерлерді бақылап, дер кезінде бекіту жұмыстары жүргізілуде. Сондай-ақ, университет ұжымынан құрылған арнайы топ тәулік бойы кезекшілік жұмыстарын атқаруда. Бүгінге дейін Атырау облысындағы төтенше жағдайға байланысты құрылған Жедел штаб университет ұжымына Атырау қаласынан 20 шақырым қашықтықтағы Алмалы ауылдық округіне қарасты аумақтан 5 шақырым бөгет салуды тапсырды. Бөгеттің 3200 метрі тыңнан тұрғызылды. 6 сәуірден басталған бөгет салу жұмысы үзіліссіз, тоқтаусыз жүргізіліп 25 сәуірде толықтай аяқталды. Бөгет тағанының қалыңдығы 12 метр, биіктігі 6 метр, жалпы ұзындығы 5 шақырым, 200 метрді құрады. Бөгет салуға 2000 астам белсенді студент, 250 университет қызметкері қатысып, еріктілер күн сайын екі ауысыммен жұмыс істеді. Олар 150 мыңға жуық қапқа топырақ толтырып, арнайы мамандар бекіткен әдіспен бөгетті қапшықтармен қалап шықты.

Тізімге қайта оралу