03.04.2024 373

Х.Досмұхамедов атындағы Атырау университеті жастар саясаты департаментінің ұйымдастыруымен «Жайықтың ақ шағаласы» атанған ақын, Қазақстанның еңбек сіңірген қайраткері, мемлекеттік сыйлықтың лауреаты, Халықаралық “Алаш” сыйлығының және «Құрмет», «Отан» ордендерінің иегері, Ақұштап Бақтыгереевамен кездесу өтті. Ақұштап Бақтыгереева – қазіргі қазақ поэзиясының көрнекті өкілі, Ұлттық поэзияны «Өрімтал», «Наз», «Қуанышым іңкәрім», «Сені ойлаймын», «Ақ қанат», «Бақыт әні», «Жайық қызы», «Белокрылая», «Ақжелең», «Сүмбіле», «Ақ шағала» сынды жыр жинақтарымен байытқан көптеген жинақтардың авторы. Әсерлі өткен кездесуде ақын ұлттық құндылықты қастерлеу, ұрпақ тәрбиесі мен ананың қоғамдағы рөлі жайлы салиқалы әңгімелері мен өлеңдерін оқып, келген қонақтармен ой бөлісіп, студенттердің қойған сауалдарына жауап берді. Өз кезегінде студенттер ақынның өлеңдерін оқып, жырдан шашу шашты. Ақынның мөлдір поэзиясымен сусындап, сырлы әңгімесіне қаныққан студенттер кештен әсерлі тарқасты.

Тізімге қайта оралу