Ғылыми кеңестің алғашқы отырысы
Биылғы оқу жылының алғашқы ғылыми кеңес отырысын дәстүрге сай ректорымыз Абзал Ахатұлы жағымды жаңалықтармен ашты.
Университетіміздің заң ғылымдарының кандидаты Жанна Шаяхметоваға ҚР Конституциясының 22 жылдығына байланысты, облыстық маслихат хатшысының міндетін атқарушы А.Абдоловтың құттықтау хаты табысталды. Жаратылыстану-техникалық, әлеуметтік-гуманитарлық және экономикалық ғылымдар бойынша студенттердің ең үздік ғылыми жұмысына арналған республикалық байқауда, ІІІ-дәрежелі дипломен Қабиден Қадыр Болатұлы мен Сырабаева Нұржауған, ҚР жоғарғы оқу орындары студенттерінің ІХ Республикалық пәндік олимпиадасынан Дүйсекова Кәмшат ІІІ-орынмен марапатталды.
Алғашқы Кеңес отырысы күн тәртібіне орай жүргізілді. 1-ші мәселе бойынша «Биылғы университет ұжымының алдағы тұрған міндеттері» туралы ректор А.Талтенов сөз сөйлесе, 2-ші Ғылыми кеңестің құрамына өзгертулер енгізіліп, жаңадан келген азамат пен азаматшаларды таныстырылды. 3-ші мәселе бойынша 2017-2018 оқу-жылдарына студенттердің контингентін қалыптастыру туралы А.Жұмағазиев ақпарат берді. 4-ші әр түрлі тақырыптағы мәселелер қарастырылды.
Алтынай СӘЛІМГЕРЕЙҚЫЗЫ,
медиа-қызмет орталығының тілшісі
ПІКІРЛЕР