Х.ДОСМҰХАМЕДОВ ПЕН НЗМ: ЕКІ ЖАҚТЫ МЕМОРАНДУМҒА ҚОЛ ҚОЙДЫ
Меморандумның мақсаты – болашақ мұғалімнің жеке тәжірибесін зерттеу және мектептегі тәрбие жұмысының идеясын түсінуіне көмектесу арқылы оның кәсіби шеберлігінің өсуі мен педагогикалық бастамаларына қолдау көрсету. Ғылыми тәжірибелік және дипломалды тәжірибелерді өткізу үшін базалық мекемелермен серіктестікті нығайту болды. Келіссөзге сәйкес НЗМ ұжымы университеттің оқыту бағдарламаларын әзірлеуге көмек көрсетіп, заманауи педагогтарды даярлау үшін ықпалдасатын болады.
Айта кетейік, университетте НЗМ ұжымымен біріккен педагогикалық мамандықта оқитын 4 курс студенттеріне арналған «Педагогикалық шеберлік» курсы өз жұмысын 3 ақпаннан бастап жасауда. Мұнда мұғалім білімі мен біліктілігін арттыруға бағытталған түрлі тақырыптар қамтылған. Меморандумға сәйкес университет студенттерінің мектепте кәсіптік іс-тәжірибеден өту және жас мамандардың жұмысқа орналасу жобалары одан әрі жалғасын таба бермек.
ПІКІРЛЕР