22.02.2024 375

Х.Досмұхамедов атындағы Атырау университетінің «Жайық»  спорт кешенінде инновациялық білім беру  факультеті, дене  шынықтыру  және бастапқы  әскери дайындық кафедрасының ұйымдастыруымен «Ұлттық тәрбие – ұлт болашағы» атты апталық аясында  «Ұлттық ойын-халық қазынасы» атты шара өтті.
Іс-шараның негізгі мақсаты – университет студенттерін патриоттыққа тәрбиелеу, қазақ халқының мәдени құндылықтарын насихаттап, ұлттық ойындарды жаңғырту және де қоғамдық өмірге белсенді атсалысуға шақырып, ұлтжанды тұлғаны тәрбиелеу болып табылады. Жаппай бір мезетте университеттің 250 студенті рух көтерер, қазақтың ұлттық  «Қара жорға» биінен флешмоб орындады. Ұлттық спортты  қолдау мақсатында студенттер бірқатар қазақ ойындарынан, атап айтсақ,  асық ату, ханталапай, бес тас, алшы ойыны және арқан тартыс, қол күресі, қазақ күресі, ләңгі тебуден тартысты.
Сондай-ақ, аталмыш іс-шара ертең«Ұлттық ойындарды  ұрпақ ойына сақтасақ» атты дөңгелек үстелмен жалғасын табады.

Тізімге қайта оралу