"ЖАЛЫН" ЖАС ЖУРНАЛИСТЕР ҰЙЫМЫ
Х.Досмұхамедов атындағы Атырау мемлекеттік университетінің "Жалын" жас журналистер ұйымының ұйымдастыруымен 22 қыркүйек тілдер мерекесіне орай "Тілім менің тірлігімнің айғағы" атты шара өтті.
Шараның негізгі мақсаты: атамыздың адал қанымен, анамыздың ақ сүтімен дарыған ана тіліміздің, дара тіліміздің мәртебесін көтеру, бабалар өсиетін ұран ету.
Мерекелік кешіміздің шымылдығын журналистика мамандығының 3 курс студенті Мейірлан Марданов "Көк тудың желбірегені" әнімен ашты. Шарада көсемсөз шеберлері тіл туралы ақындардың өлеңдерін жатқа оқыса, Ақтілек Абайқызы, Равиль Ашгалиев, Назым Жолдасова сынды жас ақындар жүрек жарды жырларымен бөлісті.
Биылғы оқу жылы жағымды жаңалықтармен басталған болатын. Соның бірі журналистика кафедрасының ашылуы болса, екіншісі жас журналистердің қатары 30 студентпен толыққан еді. Осындай қос мерекеде тіл жанашырлары "Жалын" жас журналистер ұйымына қабылданды. Ұйымға қабылдауға құттықтау сөз және төс белгі табыстау рәсімі кафедра меңгерушісі Мукашева Маншук Тынышқалиқызына берілді. Ұйымның төс белгісі 1 курстың топ белсенділері Равиль Ашгалиев пен Ақмарал Гилашеваға табысталды. Шанағынан күй, көмейінен жыр тұнған 2 курс студенті Бимырза Әбілқайыр өз арнауымен кешті қорытындылады.
ПІКІРЛЕР