Смартфоныңды болашақтың энергиясымен қуатта!

Смартфоныңды болашақтың энергиясымен қуатта!

Естеріңізде ме, балалық шағымызда біздер болашақ туралы фильмдер көріп, ондағы ғажайып гаджеттерге таң қалушы едік. Ал қазір, бірнеше ондаған жылдардан кейін сол идеялар шынайы өмірде іске асып жатқандығына куә болып отырмыз.

Мысалға, өткен жылы «Nike»компаниясы көпшілікке танымал «Болашаққа шегініс» фильміндегі өздігінен бауы байланатын кроссовкаларды қолданысқа шығарды. Қарыштап дамушы технологиялар саласы тағы немен таңғалдыра алатындығы сіздерге де қызықты ма?

Сіздер байқағандарыңыздай университет аумағында жаңа күрке (беседка) пайда болды. Сіздер жай ғана әңгімелесіп уақыт өткізіп қоймай, сонымен бірге өз гаджеттеріңізді оның айналмалы шатыры арқасында қуаттай аласыздар. Ол күні бойы күннің көзін қадағалай отырып энергияны өз бойына жинақтап және оны тәуліктің түнгі уақыттарында да пайдалануға мүмкіндік беретіндей етіп құрастырылған. Аталған күрке – Атырау мемлекеттік университеті мен «TEKSAN Kazakhstan Invest» компаниясының баламалы энергетика саласындағы бірлескен ғылыми жобасы. «TEKSAN» - Made in kz өнімдерін өндіретін серпінді түрде дамушы ұйым. Компанияның жоғары сапалы өнімдерін тек отандық нарықтан ғана емес шет елдерден де көруге болады. Дәстүрлі ТМД нарығынан бөлек Made in kz өнімдері БАӘ, ОАР және Панама сияқты елдерге ұсынылған. Бүгінде Teksan сауда маркасындағы өнімдер жарық диодтық жарықтандыруға жататын көше, өндірістік және офистік жарықтандыру шамдарын қосқанда жарықтандыру жабдықтарының барлық түрлерін қамтиды.

«Жасыл» технологиялар саласындағы жобаны жүзеге асыру мақсатында 2016 жылдың мамыр айында Х.Досмұхамедов атындағы Атырау мемлекеттік университетінің бірінші проректор - стратегиялық жоспарлау және халықаралық байланыстар жөніндегі проректоры Шилібекова Әйгерім Сенбекқызының жетекшілігімен жұмыс тобы құрылған болатын. Топ құрамына Түркияның ғалымдары, «TEKSAN» компаниясының инженерлері және Атырау мемлекеттік университетінің зерттеушілері енгізілді. Топ тек біздің университет студенттерін ғана таң қалдырып қоймайтын бірегей ғажап туындыны жасап шығарды. Бүгінде Х.Досмұхамедов атындағы Атырау мемлекеттік университетінің аумағына орнатылған айналмалы шарлы күрке бұл Қазақстандағы бірегей инновациялық жоба - ол электр энергияларын берудегі кідірістерге еш тәуелсіз кешкі және түнгі уақыттарда электрді қоғамдық пайдалану аймағы болды. Күн қуатымен күркені қолдану электр энергияларын берудің қолданыстағы жүйесіне жүктемені төмендетуге, сонымен қатар, жүктемеге байланысты электр беру желілеріндегі шығындарды азайтуға мүмкіндік берді. Өтіп жатқан «Болашақтың энергиясы» ЕХРО-2017 аясында бұндай жобаларды жүзеге асыру бүтіндей еліміздің және өңіріміздің экономикасын қолдауға мүмкіндік береді.

Сіз күрке маңына шоғырланған студенттер мен оқытушылар тобын байқауыңыз мүмкін, себебі ол енді - гаджеттер үшін қуаттау станциясы. Осыдан жеті-сегіз жыл бұрын біз түймешікті телефондарды қолданып жүргенде оларды осындай орындардан қуаттаймыз деп ойладық па? Бірақ «TEKSAN» компаниясының инженерлерінің күш салуының арқасында бүгін бұны көріп отырмыз, қызықтысы олар енді бізді тағы немен таң қалдыра алады екен...


ПІКІРЛЕР

Тізімге қайта оралу

Құттықтаймыз! Эльмираның туындылары Кипр төрінде

17 Июл 2019 66

Біздің университетіміздің «Бейнелеу өнері және дизайн» кафедрасының аға оқытушысы, магистр, «Болашақ» бағдарламасының түлегі, суретші Жұмабаева Эльмираның картиналары Кипрдегі өнер музейіне қабылданды.

«ЖАҢА ГУМАНИТАРЛЫҚ БІЛІМ. ҚАЗАҚ ТІЛІНДЕГІ 100 ЖАҢА ОҚУЛЫҚ»

16 Июл 2019 81

Елбасының «Болашаққа бағдар: рухани жаңғыру» бағдарламасы аясында «Жаңа гуманитарлық білім. Қазақ тіліндегі 100 жаңа оқулық» жобасы бойынша«Ұлттық аударма бюросы»  қоғамдық қорынан ғылыми кітапханаға ағылшын тілінен қазақ тіліне аударылған 30 атау (145 данамен) келіп түсті.
Барлығы 4350 кітап.

Мәжіліс депутаты университетімізде

10 Июл 2019 86

ҚР Парламент мәжілісінің депутаты Сапарова Әлия Сүйіндікқызы Атырауға келген іс-сапарында Х.Досмұхамедов атындағы Атырау мемлекеттік университетінде қонақта болды.

66 жасар түлек

9 Июл 2019 75

Таяуда «Атырау-Ақпарат» баспасөз клубында Х.Досмұхамедов атындағы Атырау мемлекеттік университеті журналистика мамандығының 66 жасар студенті Тұрғали Сатқанбаевтың «Жоғалған жұлдыз» атты өлеңдер жинағының тұсауы кесілді.

Түлектер тілегі

4 Июл 2019 124