PENCAK SILAT: СТУДЕНТ ИЛЬЯС ҚАНАТОВ – АЗИЯ ЧЕМПИОНЫ АТАНДЫ
Х.Досмұхамедов атындағы Атырау университетінің 4 студенті «Pencak Silat» жауынгерлік өнерінен Азия чемпионатында жеңімпаз атанды. Дубайда өткен жарыста Ильяс Қанатов алтын, Ермекқали Арсен мен Дархан Жұмағалиев күміс, Аманжан Амангелді қола медаль алды. Биыл VII кезекті ересектер арасында Азия чемпионатына 17 елден 500-ге жуық спортшы қатысқан. - Бұл спортпен 2021 жылдан бастап жаттығамын. Өзіме қатты ұнайды. Соңғы 3 жылдың ішінде көптеген жетістіктерге жеттім. Әуелі Қазақстан чемпионы атанып Азия чемпионатына жолдама алған едім. Міне, Дубайда өткен Азия чемпионатында топ жарып жеңімпз атандым, - дейді құқық қорғау мамандығының 3 курс студенті Ильяс Қанатов. Сондай-ақ, чемпионатта күміс жүлдегер атанған Арсен Ермекқали дене шынықтыру пәнінің мұғалімі, Дархан Жұмағалиев құқықтану, қола медаль иегері Аманжан Амангелді мұғалім мамандығында оқитын 4 курс студенттері. Қазақстандық спортшылар «Pencak silat» жауынгерлік өнерімен 2017 жылдан бастап шұғылданады. Атырау облысында Пенчак Силат федерациясы 2019 жылып құрылып спортшыларды жарысқа дайындап, жаттықтырып келеді.
ПІКІРЛЕР