17.11.2023 407

2023 жылдың 14 қарашасында «Х.Досмұхамедов атындағы Атырау университеті» КеАҚ Директорлар Кеңесінің кезекті отырысы өтті. Күн тәртібінде Университеттің даму жоспары талқыланып, сыбайлас жемқорлыққа қарсы қызмет жетекшісінің 2023 жылғы жұмысы бойынша есебі тыңдалды. Кеңес отырысында аталған күн тәртібіндегі мәселелерді қарап, қорытындысы бойынша Директорлар кеңесі Басқарма жұмысын одан әрі жетілдіру үшін ұсыныстар берді. Заңға қайшы әрекеттердің алдын алу, профессор-оқытушылар, қызметкерлер мен студенттердің құқықтық сауаттылығы мен құқықтық мәдениетін арттыру үшін ұсыныстар берілді. Сыбайлас жемқорлыққа қарсы комплаенс-қызмет басшысының назарына 2024 жылға арналған жұмыс жоспарын әзірлеу және оны мүлтіксіз сақтау қажеттілігіне аудару туралы ұсыныстар жасалды. Бұл орайда корпоративтік басқару және корпоративтік этика қағидаттарын сақтау және функционалдық міндеттерді орындау кезінде заңнама мен халықаралық тәжірибені қатаң сақтауға назар аудару керектігі атап көрсетілді. Сыбайлас жемқорлыққа қарсы комплаенс қызметінде ұжымның моральдық ахуалына әсер ететін жедел-іздестіру қызметінің элементтерін қолдануға жол бермей, алдын алуға, жан-жақты және тиімді түсіндіру жұмыстарына басты назар аудару қажет. Университеттің іскерлік беделін сақтау және білім сапасы мен жүргізіліп жатқан ғылыми зерттеулерге басымдық беру университет ұжымы үшін маңызды болмақ.

Тізімге қайта оралу