Атырау университетінің 35 студенті бос білім грантын иеленді
Бүгін ҚР Ғылым және жоғары білім министірлігі бос білім грантына түскен студенттер тізімін жариялады. Олардың қатарында Х.Досмұхамедов атындағы Атырау университетінің 35 студенті де бар.
Сүйінші жаңалықты студенттер сабақ үстінде естіді. Биыл Атырау университетіне оқуға түскен егіздер Карина мен Зарина Керімдердің қуанышында шек жоқ. «Біз бүгін егізіміз екеуміз грант ұтып алғанымызға өте қатты қуанштымыз. Себебі мұндай жақсы хабарды естудің өзі бақыт. ҚР Ғылым және жоғары білім министрлігіне және бізді арнайы құттықтап келген университет басшылығына алғысымызды айтамыз. Бұл бізге берілген мүмкіндік. Алда сабағымызда жақсы оқып, сенімді ақтаймыз», - деді егіздің сыңары, 1 курс студенті Карина Керім.
Атырау университетіне бөлінген бос грантардың басым бөлігі педагогикалық және инженерлік ғылымдар, ақпараттық-коммуникациялық технологиялар, жаратылыстану, математика және статистика мамандықтарына берілген.
ПІКІРЛЕР