Шетелдік студенттер көші-қон заңымен танысты
Бүгінде Атырау университетінде 102 шетел азаматы білім алып жүр. Олардың басым көпшілігі Өзбекстан және Ресей азаматтары.
Жиында көші-қон заңын сақтау ережелері, шетелдік студенттерді уақытша тіркеу талаптары, ҚР аумағындағы тәртіп және виза мәселелері кеңінен түсіндірілді.
«Біріншіден шекарадан өткенен кейін 3 жұмыс күнінде оқу орны сіздер туралы хабарлама беруі тиіс. Айтылмаған жағдайда оқу орнына әкімшілік айыппұл салынады. Екіншіден оқу орны уақытша тұруға рұқсат рәсімдеуі қажет. Ол студенттің келген қаласына байланысты. Мысалыға Өзбекстан азаматтары 30 күн, Қырғызстан, Тәжікстан, Әзірбайжан, Армения, Ресей азаматтары 90 күн үшін де рұқсат рәсімдеуі керек »,- дейді Атырау қалалық полиция департаменті көші-қон қызметі басқармасының жауапты маманы Айзада Жұмабайқызы.
Полиция өкілінің айтуынша оқу жыл басталғалы бері университет студенттері тарапынан көші-қон заңнамасын бұзу дерегі тіркелмеген.
ПІКІРЛЕР