Бақытың да, байлығың да денсаулық!
Қазіргі кезде әлеуметтік желілерде, бұқаралық ақпарат құралдарында дер кезінде дәрігерлік көмек көрсетілмей қалды деген сөздерді көп естіпте, оқыпта жүрміз. Бұл жағдай қалай орын алады деп ойлайсыздар?
Адам өміріне қауіп төнген кезде дәрігер мамандар оқиға орнына келгенге дейінгі алғашқы көмек көрсету шараларын көп адамның біле бермейтіні анық. Осы мақсатта Х.Досмұхамедов атындағы Атырау мемлекеттік университетінің студенттеріне Атырау қалалық жедел жәрдем станциясының дәрігерлері Қазақстан Республикасы Үкіметінің 2016 жылғы 16 наурыздағы №143 Қаулысымен бекітілген Қазақстан Республикасында денсаулық сақтауды дамытудың 2016-2019 жылдарға арналған «Денсаулық» Мемлекеттік бағдарламасын жүзеге асыру бойынша іс-шаралар жоспарын орындау үшін, 2017 жылдың 13 қыркүйек айында Адам өміріне немесе денсаулығына кенеттен қауіп төнгенде оның өмірін сақтап қалу үшін немесе апаттың зиянды әсерін азайту үшін қолданылатын қарапайым шаралар тренингін өткізді:
-
шұғыл көмек көрсететін өкпе-жүрек реанимациясы
-
талма ұстау жағдайында көрсетілетін алғашқы көмек
-
жарақат алу кезінде көмек көрсету
Алғашқы медициналық көмектің негізгі мақсаты - адам өмірін құтқару. Ең бастысы – алғашқы секундтарда дұрыс әрекет етуге үйрену, дәрігерлер келгенше апатқа ұшыраған адамның өмірін сақтап қалуды ойластырып, жедел көмек қолын созуды үйрету. Тренинг соңында «Денсаулық фестивалі» аясында «Өз денсаулығымыз - өз қолымызда» ұраны бойынша флешмоб ұйымдастырылды.
ПІКІРЛЕР