Атырау университетінен диссертациялық кеңесті құрған ғалым-қайраткер
Х.Досмұхамедов атындағы Атырау университетінің ұстазы, ғалым, қоғам қайраткері, педагогика ғылымдарының докторы, профессор Асхат Иманғалиевтің 70 жас мерейтойына арналған «Білімді ұрпақ: ғылым мен білімнің тәжірибесі және келешегі» атты халықаралық ғылыми-тәжірибелік конференциясы жалғасуда.
Бүгін конференция аясында «Жоғары оқу орнындағы педагогтің үздіксіз кәсіби дамуы», «Жаһандық жағдайындағы заманауи мектеп мұғалімінің кәсіби қызметі» және «Отбасылық құндылықтарға тәрбиелеу: отбасы, мектеп және қоғам серіктестігі» тақырыптарында секциялық жұмыстар өтті.
Атырау облысының мектеп мұғалімдері мен профессор-оқытушылар құрамы қатысқан жиында инклюзивті білім беру жағдайында педагогтерді кәсіби даярлау, олардың мәдени ортаны құрудағы ролі, бастауыш сыныптағы ерекше білім беруді қажет ететін балаларды психологиялық-педагогикалық қолдау, сондай-ақ ерекше білімді қажет ететін баланы әлеуметтендірудің жолдары сынды тың тақырыптар көтерілді.
Айта кетейік, түстен кейін Асхат Сәлімұлының 70 жасына арналған «Білімді ұрпақ, ғылым мен білімнің тәжірибесі және келешегі» атты халықаралық ғылыми-тәжірибелік конференциясының пленарлық мәжілісі жалғасады.
ПІКІРЛЕР