30 студент «Қазақстан халқына» қорының грантын иеленді
Х.Досмұхамедов университетінде «Қазақстан халқына» қоғамдық қорының жиыны өтті. Биыл оқу орнының 30 студенті қордың грантын иеленді.
Бүгінде қор қазақстандық студенттер үшін жыл сайын 850 білім грантын бөледі. Былтыр қордың көмегіне жүгінген Х.Досмұхамедов университетінің 62 білім алушысы гарант иегері атанған. Солардың бірі журналистика мамандағының 4 курс студенті Гүлжанай Сәрсенова:
«Мен "Қазақстан халқына" қоғамдық қорының ең алғаш тағайындалған грант иегерлерінің бірімін. Қор жыл сайын оқу ақысын төлеп, степендия беріп келеді. Президенттің тапсырмасымен құрылған қорға өз алғысымды білдіремін», - дейді.
Сондай-ақ "Қазақстан халқына" қоғамдық қорының бір ерекшелігі студенттің жоғары оқу орнын аяқтағанша тегін оқуға мүмкіндік алуы"- дейді журналистика мамандығының студенті. Сондай-ақ, қор қаражатынан студенттерге 40 мың теңге көлемінде ай сайын шәкіртақы төленеді.
Аталған қор 2022 жылдың 11 қаңтарында Президент Қ.Тоқевтың тапсырмасымен денсаулық сақтау, білім беру және әлеуметтік қолдау салаларындағы мәселелерді шешу үшін құрылған.
ПІКІРЛЕР