«Гран-при Қазақстан-2017» халықаралық турнирі

Қазақстанда тұңғыш рет Атырау қаласында парадзюдодан «Гран-при Қазақстан-2017»  халықаралық турнирі басталды.

Сайыс 7-8 қыркүйек аралығында «Мұнайшылар» мерекесіне арналмақ. Жарысты Атырау облысы дене шынықтыру және спорт басқармасы, ҚР Паралимпиадалық дзюдо федерациясы мен Атырау облысының паралимпиадалық дзюдо федерациясы ұйымдастыруда. Бұл жарыста АҚШ,  Корея, Грузия, Азербайджан, Қырғызстан, Өзбекстан, Ресей және Қазақстан құрама командалары бақ сынайды.

Турнирдің пресс-конференциясы Халел Досмұхамедов атындағы Атырау мемлекеттік университетінің акт залында, Атырау облысының денешынықтыру және спорт басқармасының басшысы Азамат Бекет Бауыржанұлы, ҚР Паралимпиада Дзюдо Федерациясының президенті Досалиев Қанатқали Төлегенұлы (Астана қаласы), Атырау облысы Паралимпиада дзюдо федерациясының президенті Умирзаков Асылбек Маратұлы, Халықаралық зағибтар спорттық ассоциациясының Азия және Мұхит аралық спорт директоры мистер Джон Врайн Сикос (Корея), Халықаралық зағибтар спорттық ассоциациясының Азия және Мұхит аралық спорт төрешілер директоры мистер Кеничи Шошидо (Япония), ҚР ұлттық паралимпияда комитетінің менеджері Сейтов Диар Аянович (Астана қаласы), Атырау мемлекеттік университетінің Бірінші проректоры - Стратегиялық жоспарлау және халықаралық байланыстар жөніндегі проректор Шилібекова Айгерім Сенбекқызының қатысуымен өтті.

Конференцияда қатысушылар сөз сөйлеп, республикалық «Спорт жұлдыздары» ғылыми-әдістемелік журналының бас редакторы, Мусағали Сабырғалиұлы Тасқалиев редакция атынан қонақтарды «Достық» медальдармен марапаттады, турнирді ұйымдаструшылар атынан шет елден келген қонақтарға шапан жауып, қолдаушыларға естелік сыйлықтар табысталды.

Конференциядан соң сайысқа қатысушылардың арасында  жеребе тастау өтті.

Тізімге қайта оралу