09.06.2023 333

  Бүгін Нидерланд еліндегі Хас университетінің (HAS University) өкілдері Питер Ван Гастель мен Эстер Ваннекенс және Батыс Қазақстан, Атырау және Маңғыстау облыстары бойынша Нидерланд Корольдігінің Уәкілетті консулы Талғат Иманғалиев Халел Досмұхамедов атындағы Атырау университетіне келді.

  Кездесу барысында университет қонақтары өздерінің білім беру бағдарламалары туралы айтып, екіжақты ынтымақтастықты дамытуға қызығушылық танытатынын, сондай-ақ академиялық ұтқырлық бойынша қарым-қатынасты нығайтуға дайын екенін жеткізді.

  Бірнеше жылдық тарихы бар Хас университеті (HAS University) тамақ, ауыл шаруашылығы, бау-бақша, табиғат және қоршаған орта салаларына тереңірек маманданған. Өз кезегінде, Басқарма төрағасы-ректор Саламат Идрисов осындай тәжірибелі жоғары оқу орындарымен байланыс орнату студенттер үшін таптырмас мүмкіндік екенін айтып өтті.

Тізімге қайта оралу