Ғылым мәселелері талқыланды
Х.Досмұхамедов атындағы Атырау университетіне келген сапарында ҚР Ғылым және жоғары білім министрі аппаратының басшысы Болат Тұрғанұлы Төкежанов және Директорлар кеңесінің төрағасы Бейбіт Баймағамбетұлы Мамраев университет кешенін аралап, «Ұстаз» ер балаларға арналған мектеп-интернатында, апаттық жағдайда деп танылған №2 студенттік жатақхана ғимаратында, «I-space» бизнес-инкубатор орталығы мен МООК лабораториясында, басқа да нысандарда болып, жағдайымен танысты. Директорлар кеңесінің отырысында оқу орнының даму стратегиясына қатысты мәселелер қаралды. Сонымен қатар сапар аясында университет ұжымымен өткен кездесуде Болат Тұрғанұлы салалық министрлік тарапынан ғылым және жоғары білім саласында жаңалықтарға тоқталды. Сонымен қатар ғалым, профессор Қадыр Жүсіптің танымал композитор, музыка зерттеушісі Илья Жақановтың шығармашылығына арналған «Қазақ романсының патшасы» кітабының тұсауы кесілді.
Өз кезегінде университеттің профессорлық-педагогикалық құрамы ҚР Ғылым және жоғары білім министрі аппаратының басшысы Б.Төкежанов пен Директорлар кеңесінің төрағасы Б.Мамраевқа оқу, ғылым саласына қатысты сауалдарын қойып, жеке мәселелері бойынша жолықты. Атап айтқанда, оқытушы ғалымдар ғылыми зерттеу жобаларын қаржылай қолдау мәселелері бойынша ұсыныстар беріп, студенттерді жатақханамен қамту сынды өзекті проблемаларды оң шешу жайы ортаға салынды.
ПІКІРЛЕР