«Халық жадында қалған қасіретті жылдар» тақырыбында дөңгелек үстел өтті
Жиынға Атырау облысы әкімінің орынбасары Марат Мурзиев, Аманат партиясының Атырау облыстық филиалы басшылығы, Аманат партиясының Атырау облыстық филиалы жанындағы «МИРАС» қоғамдық кеңес мүшелері, Атырау облысы қуғын-сүргін құрбандарын толық ақтау жөніндегі өңірлік комиссия құрамы, саяси қуғын-сүргін құрбандарының ұрпақтары, Ішкі саясат басқармасы "Қоғамдық келісім" мекемесі, ҚХА ғылыми-сараптамалық топ мүшелері, мектеп мұғалімдері, этно-мәдени бірлестіктер өкілдері, өлкетанушылар, Атырау облысы мемлекеттік архивінің ұжымы қатысты.
Мазмұнды жиын барысында тарих ғылымдарының докторы, профессор Жамиға Танатарова «Атырау өңірінде ірі және жартылай ауқатты байларды тәркілеу қалай өтті?» тақырыбында, тарих ғылымдарының докторы, профессор Лесқали Бердіғожин «1920-1930 жылдардағы Атырау өңіріндегі халық қозғалыстары: жаңа архив деректері»., тарих ғылымдарының кандидаты, қауымдастырылған профессор Жұмазия Жұмабаева «Халықты күйзелту науқаны туралы», тарих ғылымдарының кандидаты, қауымдастырылған профессор Серік Қуаныш «Саяси қуғын-сүргін құрбандары дін өкілдерін толық ақтау-ұрпақ парызы”, тарих ғылымдарының докторы, профессор Ұлжан Ахметова «Прорва еңбекпен түзеу лагері - архив құжаттарында», Атырау облысы мемлекеттік архивінің бөлім басшысы Райса Тастемирова «Тарихи әділеттілікті дәлелдеу - архив деректерінде», педагогика ғылымдарының кандидаты, профессор Шахман Нағымов «Саяси қуғын-сүргін құрбандары туралы Атырау облысы «Халықтық жады» кітабының материалдары» тақырыбында баяндамалар жасады. Тарих ғылымдарының кандидаты Гүлфайруз Қайрғалиева саяси қуғын-сүргін құрбандарын толық ақтау жөніндігі өңірлік комиссиясының жасаған жұмыстары нәтижесінде 2022 жылы жарық көрген кітаптармен таныстырды.
Сонымен қатар, конференцияда Қазақстан және дүниежүзі тарихы кафедрасының қауымдастырылған профессоры, тарих ғылымдарының кандидаты Жұмазия Жұмабаеваның монографиясының тұсауы кесілді.
ПІКІРЛЕР