«Қасіретті жылдар жаңғырығы» атты ғылыми-тәжірибелік конференция
«Тәуелсіздік алған кезден бастап бұған дейін зерттеуге тиым салынған осы тақырыпқа ден қойылып, XX ғасырдың алғашқы жартысындағы «зұлмат жылдар» «нәубет жылдар» аталған кезеңді жан-жақты зерттеу басталған болатын. Осы кезде архивтік көптеген құжаттар айналымға енгізіліп, ашаршылық пен репрессиядан зардап шеккендердің ақиқаты ашыла бастады. Бүгінгі конференция барысында саяси қуғын-сүргін ұрпақтарының естеліктеріне, біздің зерттеуші ғалымдарымыздың баяндамаларынан саяси репрессия мен ашаршылықтың масштабы өте кең болғанын тағы да жаңа құжаттар негізінде біліп отырмыз», - деп атап өтті өз сөзінде университет ректоры Саламат Идрисов.
Конференция жұмысын Атырау облыстық ардагерлер кеңесінің төрағасы Мұрат Сақтайұлы басқарды. Конференцияда тарих ғылымдарының докторы Жамиға Таңатарова «Кеңестік аграрлық саясаттың архивтерде сақталған аз зерттелген тұстары» тақырыбында, тарих ғылымдарының докторы, профессор Лесқали Бердіғожин «1920-1930 жылдардағы Атырау өңіріндегі халық қозғалыстары: жаңа архив деректері», тарих ғылымдарының кандидаты, қауымдастырылған профессор Серік Қуаныш «Саяси қуғын-сүргін құрбандары дін өкілдерін толық ақтау-ұрпақ парызы”, тарих ғылымдарының кандидаты, қауымдастырылған профессор Жұмазия Жұмабаева “Күшпен ұжымдастыру мен зорлап отырықшыландыру зардаптары Гурьев округі мысалында”, тарих ғылымдарының докторы, профессор Ұлжан Ахметова «Қазақстанның Каспий теңізі аймағындағы лагерь жүйесі тарихынан», педагогика ғылымдарының кандидаты, профессор Шахман Нағымов «Саяси қуғын-сүргін құрбандары туралы Атырау облысы «Халықтық жады» кітабының материалдары» және тарих ғылымдарының кандидаты, қауымдастырылған профессор Нағима Сармурзина «Қуғынға ұшырағандар ұрпақтарының тағдыры» тақырыптарында баяндама жасады.
Сондай-ақ саяси-қуғын сүргін құрбандарының ұрпақтары Ғилымғали Қаһарманұлы мен Ғабдуллин Қамза біраз ақпараттарымен бөлісті. Арнайы шақыртылған қонақтардан Атырау «Былина» орыс этномәдени бірлестігінің жетекшісі, өлкетанушы Андрей Кораблев, Қазақстанға күштеп қоныс аударылған корей ұлтының өкілі, «Тхониль» корей ұлттық-мәдени орталығының жетекшісі Ли Людмила және
«Вайнах» шешен-ингуш этно-мәдени бірлестігінің құрметті төрағасы Зубариев Зелимхан өз баяндамаларында қазақ халқының жер аударылған халықтарға қамқорлығын атап өтіп, естеліктерімен бөлісті.
Жиын соңында Атырау облыстық ардагерлер кеңесі атынан профессор Асхат Иманғалиев “Атырау облысы алдындағы еңбегі үшін” медалімен, Басқарма төрағасы-ректор Саламат Нұрмұханұлы Ұлы Отан соғысы батырларының есімдерін қастерлеу үшін бекітілген “Қас Батыр” медалімен және Жамиға Таңатарова, Жұмазия Жұмабаева, Нагима Сармурзина, Шахман Нағимов “Тәлімгер” төсбелгісімен марапатталды.
ПІКІРЛЕР