Университеттегі білім күні!

Бүгін, қыркүйек айының 4-і күні университетімізде, кеше ғана дүйім қауым 22 жылдығын тойлап өткен Қазақстан Республикасының Конституциясының мерекесіне жалғаса келген Білім күніне арналған салтанатты жиын өтті.

Университетіміздің жеткен жетістігі түлектерінің бағындырған биігімен өлшенеді. Сондықтан болашақ білікті маман, әрі өз ісінің шеберлері ретінде, бүгінде 2300-ден астам студент университет қабырғасын алғаш аттауда. Соның ішінде күндізгі бөлімде: 1400 студент, білім грантына ие болғандар саны: 445, жоғары оқу орнынан кейінгі білім беру бойынша 256, оның ішінде 73 магистр білім грантына ие болды.

Жиынның алғашқы құттықтау сөзі Х.Досмұхамедов атындағы Атырау мемлекеттік университетінің ректоры, химия ғылымдарының докторы, профессор Талтенов Абзал Ахатұлына берілді. Әрі қарай киелі Білім кілтін университетіміздің белсенді студенттері, оқу орнының табалдырығын алғаш аттағалы отырған студенттерге тапсырды, сонымен қатар концерттік номерлермен жалғасты.

Салтанатты жиын аяқталысымен 1-курс студенттері аудиторияларға тарқасып, «Қазақстан тарихы және дүниежүзі тарихы» кафедрасының оқытушылары өткізген «Рухани жаңғыру» тақырыбындағы лекция сабақтарына қатынасты.

 

 

Такежанова Малика, 

медиа-қызмет орталығының тілшісі

ПІКІРЛЕР

Тізімге қайта оралу

Республикалық Абай күні

9 Авг 2020 15

Республикалық Абай күніне  орай Х.Досмұхамедов атындағы Атырау университетінің ректоры Саламат Нұрмұханұлы  Абай Құнанбайұлының рухани мұрасының ажырамас бөлігі "Алтыншы қара сөзін" оқыды.