Ақжайықтағы Алаш іздері
Барша Қазақ елінің рухын көтеретін, тарихи жадын жаңғыртатын – Алаш қозғалысының 100 жылдығы атап өтілуде. Елбасының «Болашаққа бағдар: рухани жаңғыру» стратегиялық мақаласы аясында Алаш үкіметінің маңызы мен ролі, оның басында тұрған ұлт көсемдері жайында университет ғалымдары тарапынан зерттеу жұмыстары жүргізілуде.
Оның айғағы, 22 тамыз күні университет ғалымдары Батыс Қазақстан облысы, Ақжайық ауданы әкиматы ұйымдастырған «Ақжайыықтағы Алаш іздері» атты ғылыми-танымдық конференцияның пленарлық мәжілісінде тарих ғылымдарының докторы, профессор А.Ахмет «Ел аумағын түгендеген У.Танашев» және тарих ғылымдарының кандидаты Қ.Сүндетұлы «Жазықсыз жазаланған редактор» тақырыбында баяндама жасады. Ғалымдар өз баяндамаларында Алаш үкіметінің тарихын мейлінше терең зерттеу, айтылмаған деректерді жарыққа шығару, елге елеусіз қалған тарихи тұлғалардың өмірін, халқына еткен қызметтерін таныту және болашақ ұрпақтың азат елде ғұмыр кешуіне бір табан жақындатқан тарихи тұлғалардың өмірін жастарға насихаттау керек екендігіне жан-жақты тоқталды.
ПІКІРЛЕР