Гранттық қаржыландыруға конкурсты талқылау
2017 жылдың 15 – ші тамызында Х. Досмұхамедов атындағы Атырау мемлекеттік университетінің ғылым департаменті Білім және ғылым министрлігі жариялаған 2018-2020 жылдарға ғылыми және ғылыми-техникалық жобалар бойынша гранттық қаржыландыруға конкурсты талқылау мәселесі бойынша ғалымдардың кезектен тыс жиналысын шақырды.
Жиналыстың мақсаты – ғалымдарды конкурстың жаңа талаптарымен таныстыру.
Жиналыста өтінімдерді тіркеуге, бірлесіп қаржыландыруға, сонымен қатар ғылыми жоба жетекшілеріне талаптарға қатысты өзгерістер талқыланды. Жекелей алғанда, жоба жетекшісі 2012 жылдың 1 қаңтарынан бастаған кезеңнен өтінімді беру сәтіне дейін нөлдік емес импакт-фактормен рецензияланған шетелдік ғылыми басылымдарда, оның ішінде Web of Science немесе Scopus деректер базасымен индекстелетін жарияланымдар, сонымен қатар шетелдік және отандық басылымдарда жарияланымдар иеленуі тиіс.
Университет ғалымдары конкурстық құжаттарға енгізілген өзгерістерді қолдайтындығын, талаптар ғылымның қазіргі заманғы дамуына сәйкес келетіндігін айтты. Бүгінгі күнде университетте «Мәңгілі ел» (XXI ғасыр білімі, гуманитарлық ғылым саласындағы зерттеулер), өмір және денсаулық туралы ғылымдар, жаратылыстану ғылым саласындағы ғылыми зерттеулер, аргро өнеркәсіп кешені мен ауылшаруашылығы өнімдерінің қауіпсіздігін тұрақты дамыту сияқты ғылымды дамытудың басым бағыттары бойынша қолданбалы және дәстүрлі ғылыми зерттеулерді жүзеге асыру үшін талаптарға жауап беретін жас ғалымдар көбеюде.
ПІКІРЛЕР