«Жаңа буын мектебі» форумы өтті
Балалар мен ата-аналарды және басқа да мүдделі тараптарды білім беру ісінің жай-күйін, дамуы мен болашағын және білім беру мекемелерінің трансформациясын талқылау мақсатында ұйымдастырылған шараға білім беру басқармасының басшысы Гүлнар Садуахасова, "Теңізшевройл" ЖШС үкіметпен және қоғаммен байланыс бөлімінің бас менеджерінің орынбасары Хеймиш Пол және мектеп мұғалімдері қатысты.
Форум жаңа бағытта сапалы білім алып, қарқынды өзгерістерге толы заманда өз мүмкіндіктерін толығымен іске асырып, мектептердің заман көшінен қалмай іргелі дамуы оқушылардың да басты талабы екенін көрсете білді. Осы жиынға арнайы келген қонақтар қазіргі замандағы мұғалімнің қоғамдағы орны, ата-ана мен мектеп арасындағы қарым-қатынас, «алтын үшбұрыштың» мақсатты жұмыс атқаруы, білім беру ісіне жаңаша бағыт алып келу мәселелеріне байланысты пікір білдірді.
Сапалы педагогтардың қатарын көбейтіп, заман талабына сай білім беру жоғарғы оқу орындарының басты мақсаты. Осы орайда, ректор Саламат Нұрмұханұлы:
- Жас мұғалімдердің жаңа мектеп бағдарламасына, бағытына дайын болмауы теория мен практиканың қатар жұмыс жасамауынан болуы мүмкін. Сол себептен Атырау университетінде педагогика саласында оқитын студенттерге кәсіби бағыт-бағдар беру үшін жұмыстар көбейтілген. Қазіргі таңда олардың кәсіби деңгейін арттыру қарқынды жүріп жатыр,- деді.
Шара аясында Х.Досмұхамедов атындағы Атырау университеті мен Integrity тұлғалық даму қоғамдық қоры меморандумға қол қойды.
ПІКІРЛЕР