26.01.2023 204

  Х.Досмұхамедов атындағы Атырау университетінің ректоры Саламат Нұрмұханұлы студенттермен еркін форматта ашық кездесу жұмысын жалғастыруда.

  Бүгінгі дәстүрлі кездесуге физика, математика және ақпараттық технологиялар факультеті мен гуманитарлық ғылымдар және өнер факультетінің студенттері қатысты.

  Жиын барысында білім алушылар тарапынан студенттерге арналған коворкинг орындарының жетіспеуі, қызметкерлердің қарым-қатынас құрудағы мәдениеті, жатақхананың төлем ақысына қатысты бірқатар сұрақтар талқыланып, қатысушылардың біразы талап-тілектерін жеткізді.

  Өз кезегінде университет ректоры айтылған ұсыныс-пікірлерді қабылдап, мәселелердің шешілуін қадағалайтынын айтты. Сәйкесінше Саламат Нұрмұханұлы кейбір проблемалардың шешілу мерзімі ұзақ уақытты талап ететінін, оларды дереу шешу мүмкін болмайтынын тілге тиек етті.

Тізімге қайта оралу