Жұлдыздар жанған тележоба
Мамыр айында Атырау қаласы әкімдігімен бірлесе отырып бастау алған «Қазақстан-Атырау»телеарнасында жүргізілген «Жұлдыз» мега жобасы өз мәресіне жетті.
Облысымыздағы өнерлі де, дарынды студенттерімізді анықтау мақсатында ұйымдастырылған бұл жобаның финалына 20 қатысушыдан 8-і жолдама алып, байқау шарты бойынша 2 айналымда өз өнерлерін көрсетті.
Байқау қазылар алқасының есептеген баллы мен қатар көрермендердің дауысы беруі арқылы бойынша қорытындыланды.
Нәтижесінде жүзден жүйрік шыққан облысымыздың талантты жастары Алтынай Жеткергенқызына I-орын бұйырып, 1000000 теңгелік жүлде қорымен марапатталды. II-орынды Байбақты Ідірбай иеленсе, жүлделі 3 орынды Х.Досмұхамедов атындағы Атырау мемлекеттік университетінің «Экономика және құқық» факультетінің 3 курс студенті Мерей Арыстан иеленді.
Бұл жобаны қолдап, студенттерімізге демеу болған университетіміздің ректоры Абзал Талтенов мырза "Жұлдыз" мега жобасының финалында өнер көрсеткен студенттеріміз Қуаныш Жәрдемов пен Мерей Арыстанға грант тағайындады.
ПІКІРЛЕР