Түлектер - болашақ жас маман!

Түлектер - болашақ жас маман!

5-шілде күні университеттің  мәдени-спорттық кешенінде «Сәт сапар, жас маман!» атты түлектерге диплом табыстау салтанатты жиыны өткен болатын.

Қазақ елінің әнұраны мен басталған мерекелік кешімізді университет ректоры, х.ғ.д., профессор Абзал Талтенов мырза жас мамандарға деген ыстық ықыласы мен жылы лебізін білдіріп, құттықтау сөзімен ашты.

Биылғы жылы университет қабырғасынан бакалавр бағдарламасы бойынша - 1617 студент, оның ішінде күндізгі оқу бөлімінен – 676 студент, сырттай бөлімнен – 360, кешкі оқыту бөлімінен 581 студент оқуларын аяқтап, үлкен өмір жолына қадам басты. Олардың ішінен күндізгі оқу бөлімі бойынша – 88 студент үздік диплом иегері атанса, магистратура бағдарламасы бойынша - 129 студент магистр атағын алған болатын.

Университет ректоры А.Талтенов, ҚР еңбек сіңірген мәдениет қайраткері Ілия Жақанов, ф.ғ.д. Қадыр Жүсіп және де университеттің профессор-оқытушылары түлектерге салтанатты түрде дипломдарын табыстады. Осы жылдар ішінде белсенділік танытқан, университеттің мақтаныштары болған студенттеріміз Атырау қаласы әкімінің орынбасары Мейірім Қалауидың алғыс хатымен марапатталды.

Салтанатты кеш соңы дипломдарын қолдарына алып, ата-аналарымен бірге қуанышқа кенелген түлектерге арнайы шақыртылған эстрадамыздың жарық жұлдыздары, Заман тобы жүрек жарды тілектерін білдіріп, ән-жырдан шашу шашты.

Алтынай СӘЛІМГЕРЕЙҚЫЗЫ,
журналистика мамандығының студенті

ПІКІРЛЕР

Тізімге қайта оралу

Ғылыми кеңес онлайн форматта өтті

2 Апр 2020 7

Бүгін  Х.Досмұхамедов атындағы Атырау мемлекеттік университеті Ғылыми кеңесінің кезекті мәжілісі еліміздегі эпидемиялогиялық жағдайға байланысты онлайн форматта өткізілді.

ШҰҒЫЛ ЖЕТКІЗУ ҚЫЗМЕТІ ҰЙЫМДАСТЫРЫЛДЫ

2 Апр 2020 16

Х.Досмұхамедов атындағы Атырау мемлекеттік университетінде университет ұжымына қолдау көрсету мақсатында зейнеткерлер мен әлеуметтік жағдайы төмен отбасыларға шұғыл қажет болатын дәрі-дәрмектер мен бірінші кезекте қажетті азық-түліктерді үйге шұғыл жеткізу қызметі ұйымдастырылды.




Карантин кезіндегі тәртіпті сақтау және қашықтықтан оқытудың мәселелері бойынша онлайн мәжіліс өтті

1 Апр 2020 14

Бүгін университет ректоры Саламат Идрисов Атырау облысында 30 наурыздан бастап карантин жариялануына байланысты оқу орны бойынша атқарылған іс-шаралар және оқу орнының қалыпты жұмысын қамтамасыз ету бағытындағы ағымдағы жұмыстарға арналған өндірістік жиналыс өткізді.

Біздің студенттеріміз – «ТМД-2020 үздік студенті» байқауының жеңімпаздары

31 Мар 2020 42

"Бөбек Жалпыұлттық қозғалысы" заңды тұлғалардың қауымдастық нысанындағы бірлестігінің ұйымдастыруымен ТМД елдер арасында өткізілген жобалар сайысында Х.Досмұхамедов атындағы Атырау мемлекеттік университетінің студенттері үздік деп танылды.

РЕСМИ АҚПАРАТ!

30 Мар 2020 11

РЕСМИ АҚПАРАТ!