Халықаралық көрмеге саяхат
Бүкіл әлем көз тігіп тамсанған, елімізде тұңғыш рет, жоғары деңгейде ұйымдастырылған халықаралық «ЭКСПО-2017» көрмесіне Х.Досмұхамедов атындағы Атырау мемлекеттік университетінен 2000 студент пен профессор-оқытушылар құрамы 4 топқа бөлініп, көрмені тамашалап келген болатын.
Бүкіл әлем көз тігіп тамсанған, елімізде тұңғыш рет, жоғары деңгейде ұйымдастырылған әлемдік, халықаралық «ЭКСПО-2017» көрмесіне Х.Досмұхамедов атындағы Атырау мемлекеттік университетінен 2000 студент пен профессор - оқытушылар құрамы 4 топқа бөлініп Астанаға барып, көрмені тамашалап келген болатын.
Әсем қала Астанаға барған студенттер мен профессор-оқытушылар құрамының көрме туралы ойлары мен пікірлері өте тамаша.
- «Атырау-Астана» бағытындағы жүрдек поезд Астанаға жетіп, ЭКСПО қалашығына табан тіреп, билетімізді көрсетіп, тексеру-бақылау бекетінен өткен соң, жиырма бес гектар аумақты алып жатқан көрмені араладық. “ЭКСПО” алаңындағы ірі халықаралық павильондар сөзсіз таң қалдырды. Елімізді әлемге танытатын 8 қабаттан тұратын ЭКСПО-ның басты ғимараты «Нұр Әлем» сферасы ерекеше сезімге бөлейді. Оның бірінші қабаты салт-дәстүрге арналса, қалған қабаттары жел, су, күн, ғарыш, биомасса, кинетикалық энергияларына арналған, ал сегізінші қабаты болашақ Астана келбетін көз алдыңа бейнелейді. Сондай-ақ, Ресей, АҚШ, Германия, Қытай, Корея сынды т.б. елдердің көрмелері көздің жауын алады. Бұл керемет сезімді сөзбен айтып жеткізу мүмкін емес, оны тек көзбен көріп, көрменің қатысушысы болған жағдайда ғана сезінуге болады. Әлемдік жоба «ЭКСПО - 2017» халықаралық көрмесін тамашалаған студенттердің қуанышында шек жоқ.
- Мөлдір Ізтұрғанова: «Теледидар, әлеуметтік желідегі бейнелерді өз көзіммен тамашалағаныма қуаныштымын. «ЭКСПО-2017» көрмесінен алған әсерімді айтып жеткізу мүмкін емес, бәрі керемет. Әртүрлі елдердің мәдениеттерімен қатар ғылымымен, озық технологиясымен танысуға мүмкіндік бар. Осындай көрмені тамашалауға жағдай жасаған университет басшылығына алғысым шексіз. Бұл көрме елімізге пайдасын тигізетін жобалардың бірі екені айтпасада түсінікті»- дейді университетіміздің студенті ЭКСПО-2017 көрмесі туралы пікірінде.
Алтынай СӘЛІМГЕРЕЙҚЫЗЫ
ПІКІРЛЕР