Атырауда Дельфий ойындары өтті

Атырауда Дельфий ойындары өтті

Облысымызда осы уақытқа дейін жастарды қолдап, олардың талантын шыңдау мақсатында көптеген жобалар, сайыстар өтіп жүр. Солардың бірі - Дельфий ойындары.

Биыл  қаламызда Атырау облысы Жастар саясаты мәселелері басқармасының қолдауымен, “Жастар таңдауы – Атырау” қоғамдық бірлестігінің ұйымдастыруымен Дельфий ойындарының  ХIII-ші кезеңі өткізілді.

Екі күнге жалғасқан бұл ойында кіші топтан бастап үлкен топқа дейінгі әртүрлі жас аралығындағы қатысушылар бақ сынады. Дельфий ойындарына қатысуға 200-ге жуық қатысушы өтініш білдірген. С
Қатысушылар 20 бағыт бойынша сынға түсті. Атап айтсақ, тележурналистика, қысқаметражды фильм, халық биі, халық әні, эстрадалық ән, заманауи би, театр, домбыра, баян, скрипка, қыл-қобыз, прима-қобыз, фортопиано, бейнелеу өнері, декаративті қолөнер және академиялық ән. 

Атырау облысының түкпір-түкпірінен келген талантты жастардың басын қосқан Дельфий ойындарының қорытынды гала концерті  Құрманғазы атындағы мәдениет сарайында өтті.  Концертті  Жастар саясаты мәселелері басқармасы басшысының қызметін атқарушы Лаура Мұхамбетқалиқызы өзінің құттықтау сөзімен ашты.

- Дельфий ойындары өте қызықты әрі тартысты өтті. Қатысушылардың кәсіби шеберліктерін ескермей кеткеніміз жөн болмас. Сол себепті осы Дельфий ойындарына қатысқан әр қатысушыға тек сәттілік деймін. Жалпы бұл Дельфий ойындарының мақсаты - жас өнерпаздардың талантын шыңдап, оларға өнерлерін көрсетуге мүмкіндік беру.  Үздіктер жиналған бұл сайыстың жеңімпаздарын құттықтаймын. Болашақта әлі талай белестерді бағындырады деп сенемін, - деді ол.

Гала концерт қатысушыларды марапаттаумен жалғасты. Университетіміздің студенттері «Тележурналистика»  бағыты бойынша Талапов Әмір, Жолдыбаева Әсем, «Эстрадалық ән» үлкен топ бойынша  Қашқылдықов Қуаныш 1-орын иегерлері атанды.

Алдағы уақытта жүлдеге ие болған қатысушыларымыз республикалық Дельфий ойындарында бақ сынайтын болады.

Қашқылдықов Қуаныш, 1-орын иегері: - Өнерлі жастардың жолын ашатын жобаны ұйымдастырушыларға  рахмет айтамын.Сондай-ақ мені 1-орынға лайықты деп тауып, маған республикалық жарыста өнер көрсетуге мүмкіндік бергендері үшін алғысымды білдіремін. Барлық қатысушыларды және жеңімпаздарды шын жүректен құттықтаймын.

Әсем ЖОЛДЫБАЕВА,
журналистика мамандығының
2 курс студенті

ПІКІРЛЕР

Тізімге қайта оралу

Білім беру бағдарламаларын талқылады

23 Янв 2020 21

2020 жылдың 22 қаңтарында i-Space коворкинг орталығында университетіміздің экономика және құқық факультетіндегі, экономика кафедрасының оқу бағдарламаларын талқылау өтті.

Мектепке дейінгі білім алушыларға арналған SUSDEV

22 Янв 2020 31

Бүгін, 22 қаңтар күні №24 «Бақытты балалық шақ» балабақшасында «мектепке дейінгі білімге  тұрақты даму элементтерін енгізу» атты семинар өтті.

ЕЛІМІЗДІҢ ЖОҒАРЫ ОҚУ ОРЫНДАРЫНДА 25%-ҒА АРТТЫРЫЛҒАН СТИПЕНДИЯ БЕРІЛЕ БАСТАДЫ

22 Янв 2020 23

ҚР Президенті Қ. Тоқаев Жастар жылының жабылу салтанатында 2020 жылдың қаңтарынан бастап жоғары оқу орындары мен колледж студенттерінің стипендиясы 25 пайызға көтерілетінін мәлімдеді. ҚР Білім және ғылым министрлігі жергілікті атқарушы органдармен бірлесе отырып, Мемлекет басшысының тапсырмасын орындау бойынша шаралар қабылдады.

Ермахан Ибраимов университетімізде қонақта

21 Янв 2020 101

Х.Досмұхамедов атындағы Атырау мемлекеттік университетінде бокстан Сидней олимпиадасының чемпионы, халықаралық дәрежедегі спорт шебері Ермахан Ибраимовпен кездесу өтті.

Спартакиада жеңімпаздары анықталды

17 Янв 2020 86

Х.Досмұхамедов  атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиадасының жеңімпаздары анықталды.