Инновациялық жобалар байқауы қорытындыланды
Жаңалық атаулыға құштар талантты жастарды ынталандыру мақсатында осымен үшінші рет өткізіліп отырған бұл байқауға қатысу үшін 113 үміткер тіркелген. 14-29 жас аралығындағы қатысушылар ғылым және инновация, өнер және шығармашылық, IT және цифрлық технология, экология және қоршаған орта бағыттары бойынша өз жұмыстарын ұсынды.
Атырау облысының әкімі Серік Шәпкенов жобалар байқауында Отанға деген сүйіспеншілігі зор, көзі ашық, көкірегі ояу жастар бас қосып, қоғамдағы үлкен мәселелерді шешу үшін идеяларын ортаға салып жатқанын атап өтті.
"Бұл байқауда қамтылған төрт бағыт та өте маңызды. Өйткені, мұндағы әр идеямен өзіміздің кемшін тұсымызды толтырамыз", — деді ол. Облыс әкімі жеңімпаздарды арнайы құттықтап, қаржылай сертификаттар мен диплом табыстады.
Шара нәтижесінде университетіміздің бірнеше студенті ұсынған жұмыс үздік деп танылды. Олар, атап айтқанда:
ғылым және инновация бағыты бойынша:
Аударма және аударма ісі мамандығының 1 курс студенті Әсел Есберген «Қозғалыс энергия» жобасы бойынша - 3 - орын - 100 000 тңге
экология және қоршаған орта бағыты бойынша:
"Жастар лигасы» командасындағы Гуманитарлық ғылымдар және өнер факультеті журналистика мамандығының 1 курс студенті Әсем Жанболатқызы «Темекі тұқылдарын қайта өңдеу» жобасы» бойынша - 1 орын - 350 000 теңге
Өнер және шығармашылық бағыты бойынша:
"Туризм және сервис" мамандығының 1 курс студенті Мәдина Қожабалуан - 1 орын - 350 000 теңге
Бастауыш білім беру мамандығының 1 курс студенті Гүлнұр Ермекқызы “Alash brand” жобасы бойынша - 2-орын- 250 000 теңге
Гуманитарлық ғылымдар және өнер факультеті "Музыка және өнер" кафедрасының студенті Назерке Мұхаметжан - 3 орын - 100 000 теңге;
Сонымен қатар, "Ең үздік Instagram пост" номинациясы бойынша арнайы 50000 теңге жүлдені "IT және цифрлық технология" бағыты бойынша "Бизнес аналитика және IT- жобаларын басқару" мамандығының студенті Бақдәулет Өміртаев пен "Өнер және шығармашылық" бағыты бойынша "Туризм және сервис" мамандығының студенті Мадина Қожабалуан иеленді.
ПІКІРЛЕР