40 ЖЫЛДАН КЕЙІНГІ КЕЗДЕСУ

Университетіміздің 1973-1977 жылдары "Физика-математика" факультетінің "Математика" бөлімі бойынша оқыған бір топ түлектері білім ордасында бас қосты.

 «Физика, математика және ақпараттық технологиялар» факультетінің деканы Бекет Кенжеғұлов бастаған факультет профессор-оқытушылары түлектерді салтанатты түрде қарсы алды. Алғашқы қадамдарын Х.Досмұхамедов атындағы ескерткіш жанында кездесіп, бір-бірімен құшақтаса қауышқан ұстаздар мен түлектер естелік фотоға түсті. Сол кездердегі жатақханада бірге жатқан құрбылар бір-бірін іздеп фотоға түсіп жатса, ал қалғандары сол кездердегі қызықты шақтарын еске алып әңгімелесіп тұрды.

Б.Зейнешұлының бастауымен түлектер университет ғимаратына кіріп әр жылдардан сақталған мұражай құндылықтарымен танысты. Ары қарай жоғарыға көтерілген қонақтар үлкен аудиторияда өздерін қошеметпен күтіп отырған факультет ұстаздарымен кездесті. Аудиторияға үлкен дайындықпен келген түлектер қолдарындағы шарларымен, қуанышты жүздерімен, әсем күлкілерімен кірген болатын. Ду қол шапалақпен қарсы алған факультет ұстаздарына түлектер шарларын тарту етіп аман-саулық сұрасты.

Жиынды бастаған факультет деканы келген қонақтарға қош келдің айтып мерекелерімен құттықтады. Экранда слайд арқылы сол кездердегі ұмытылмас шақтардың ең қызықты сәттері көрсетіліп жатты. Бірінен соң бірі сөз алған профессор-оқытушылар құрамы мен түлектер жылы лебіздерін айтып, тілектерін білдірді. Түлектерге арнайылап ашылған естелік альбомға өз қолдарын қойып, тілектерін жазған мерейгерлер өте риза болды. Кездесу соңы алдын-ала дайындалған сыйлықтар табыстау рәсімімен жалғасын тапты. Университетімізге арнайылап келген түлектерге университет атынан сыйлықтар табысталса, қонақ болып келген түлектерімізде құр қол келмей ұстаздарына арнаған сыйлықтары мен дәмдерін  табыстады.

 

 

Арайлым НАРЕШОВА

Медиа-қызмет маманы


ПІКІРЛЕР

Тізімге қайта оралу

Хабарландыру!

9 Июл 2020 25