Рамазан айына арналды

Рамазан айына арналды

Өткен аптада "Айтыс" ҚҚ мен «Сенатор» пікірсайыс клубының ұйымдастыруымен, «Жас Отан» Жастар қанаты Атырау облыстық филиалының қолдауымен Рамазан айына байланысты «Қасиетті Рамазан» тақырыбындағы турнир Х.Досмұхамедов атындағы Атырау мемлекеттік университетінде өтті.

Естеріңізде болса, Атырау мемлекеттік университеті «Сенатор» пікірсайыс клубы – университет деңгейінде студенттердің шешендік шеберліктерін, көшбасшылық қасиеттері мен ұйымдастырушылық қабілеттерін дамыту үшін ерікті түрде құрылған студенттердің қоғамдық ұйымы болып табылады. Осы орайда аталмыш клуб жоғарыда айтылған шеберліктер мен қасиеттерді қаншалықты меңгергені жайлы мәлімет беретін, өзін-өзі бағалауға бағытталған пікірсайысшы командалар арасындағы турнирді ұйымдастырды. Төрешілер Сенатор клубының студенттері болды. Турнирге 8 команда қатысты. 

Нәтижесінде облыстық Дін істері басқармасы жанындағы Ақпараттық талдау орталығы маманы Ернар АБЗАЛОВ және Астана қаласынан келген студент Мақсат ЖАҚСЫҒАЛИЕВ І орыннан, Атырау мемлекеттік университеті стратегиялық даму департаменті маманы Мұратбек Әл-ШАРДАРИ және Алматыда білім алып жатырған студент Альбина МЕРЕКЕҚЫЗЫ ІІ орыннан, жауапкершілігі шектеулі серіктестік қызметкері Бауыржан ДУЙСЕНБАЕВ пен №31 мектеп-гимназия оқушысы Дильназ ЖАҢБЫРБАЕВА ІІІ орыннан көрінді. Сондай-ақ Альбина Мерекеқызы «Үздік спикер», ал И.Тайманұлы атындағы №27 орта мектеп оқушысы Мидина ӘДІЛҒАЛИЕВА «Үздік ойыншы»  атанып, арнайы марапаттарға ие болды.

Турнир аяқталысымен барлық қатысушылар мен ұйымдастырушылар ұжымының қатысуымен ауызашар берілді.

Қасиетті Рамазан айына арналған, ой-өресі кең жастардың басын біріктірген ұлағаты мол шара болды.

Малика ТӘКЕЖАНҚЫЗЫ


ПІКІРЛЕР

Тізімге қайта оралу

Спартакиада жеңімпаздары анықталды

17 Янв 2020 36

Х.Досмұхамедов  атындағы Атырау мемлекеттік университетінің 70 жылдық мерей тойына арналған «Ректор кубогі» үшін профессор-оқытушылар құрамы және әкімшілік департаменті қызметкерлері арасындағы дәстүрлі 68-ші спартакиадасының жеңімпаздары анықталды.

Әбу Насыр Әл-Фараби - 1150 жыл

16 Янв 2020 18

Шығыстың ғұлама ойшылы Әбу Насыр Әл-Фарабидің 1150 жылдық мерейтойына орай ғылыми ақпарат және сирек кездесетін әдебиеттер бөлімінде «Әл-Фараби - өркениет философы» тақырыптық әдебиеттер ұсыныс-тізімі жасалып,  «Бабалар сөзі - тәрбие көзі» кітап көрмесі ұйымдастырылды.

Андре Карстенс университетімізде

15 Янв 2020 38

Бүгін Х.Досмұхамедов атындағы Атырау мемлекеттік университетінде Қазақстандағы Нидерланды мемлекетінің елшілігінен келген Андре Карстенспен кездесу өтті.

Абай және ХХI ғасырдағы Қазақстан

14 Янв 2020 41

Биыл Абай Құнанбайұлының туғанына 175 жыл. Осыған орай, Ел Президенті Қасым-Жомарт Тоқаев "Абай және ХХІ ғасырдағы Қазақстан" атты ұлы ақынның мерейтойына арналған мақаласын жариялағаны  белгілі. Мемлекет басшы мақаласындағы негізгі мақсат пен бағытты атыраулық ғалымдар талқылап, ой қорытты.  

Абай Құнанбайұлының 175 жылдығы

14 Янв 2020 37

Ұлы ақын, композитор, философ, саясаткер, ағартушы Абай Құнанбайұлының 175 жылдығын тойлауға арналған шаралар басталғаны баршаға мәлім.