Жаңартылған білім беру жүйесі аймақтық форумда талқыланды

Бүгін, Х.Досмұхамедов атындағы Атырау мемлекеттік университетінде «Жаңартылған білім беру жүйесі: Тиімді жоспарлау. Ұйымдастыру. Критериалды бағалау» тақырыбындағы I педагогтардың аймақтық форумы басталды.

І педагогтардың аймақтық форумын Атырау мемлекеттік университеті мен Атырау қаласы педагогикалық шеберлік орталығы бірлесе ұйымдастырып отыр.

Форумның мақсаты –  жаңартылған білім беру мазмұнын жүзеге асыру қарсаңында мұғалімдердің үздіксіз кәсіби өсуіне қолдау көрсету және мұғалімдерді жаңартылған білім беру бағдарламасына сәйкес келетін педагогикалық тәсілдермен таныстыру, тәжірибе бөлісу.

Аталмыш форумға Атырау, Ақтау, Ақтөбе, Орал қалаларынан 300-ден аса мұғалім қатынасты. Пленарлық мәжілісте алғаш боп құттықтау сөз сөйлеген университеттің оқу ісі жөніндегі проректоры Гүлжан ЖАРАСОВА болды. Әрі қарай кіріспе сөзбен облыстық білім басқармасының бастығы Нұрсәуле САЙЛАУОВА мен Атырау қаласы педагогикалық шеберлік орталығының директоры Аида НУРЖАНОВА жалғады. Сонымен қатар, инновациялық білім беру факультетінің деканы Ляйля ҚОЙШЫҒҰЛОВА «Модернизация модели современного учителя», Атырау қаласы педагогикалық шеберлік орталығының директоры А.НУРЖАНОВА «О деятельности филиала Центра педагогического мастерства в условиях обновления содержания образования», ал Орал қаласы педагогикалық шеберлік орталығының директоры Лариса Обыденкина «Опыт построения региональных сетевых моделей поддержки внедрения обновленного содержания образования в  общеобразовательных школах» тақырыптарында баяндамалар жасады. Пленарлық мәжіліс аяқталысымен қатысушылар секция мәжілістеріне тарқасты.

 

 

Малика ТАКЕЖАНОВА,

медиа-қызмет орталығының тілшісі

 


ПІКІРЛЕР

Тізімге қайта оралу

ҚҰТТЫҚТАЙМЫЗ!

22 Сен 2020 42