ІІ Халықаралық PR Жазғы мектебі

2017 жылдың 2-4 маусым күндері Әл-Фараби атындағы Қазақ ұлттық университетінің журналистика факультеті, ЮНЕСКО, халықаралық журналистика және қоғамдық медиа кафедрасының ұйымдастыруымен «Медиа және PR-коммуникациялар: тұрақты даму стратегиясы» атты II Халықаралық PR Жазғы мектебі өтті.

Халықаралық деңгейде ұйымдастырылып отырған Жазғы мектепке еліміздің түкпір-түкпірінен бұқаралық коммуникация зерттеушілері, бас редакторлар, журналистер, PR мамандары қатысты. Атап айтар болсақ, «Қазақ газеттері» ЖСШ бас директоры Жұмабек Кенжалин, Колумбия университетінің профессоры Рафис Абазов, ҚР Денсаулық сақтау министрлігі акушерлік, гинекология және перинатология ғылыми орталығы қоғаммен байланыс қызметінің жетекшісі Алуа Мырзаханова, Интерньюс Қазақстан редакторы Назгүл Қожабек, АҚК коммуникация жөніндегі Басқарушы директоры Қуат Домбай, продюсер, тележүргізуші Салтанат Қалиева, «Түркітілдес журналистер қоры» ҚҚ президенті Нәзия Жоямергенқызы, филол.ғ.қ, «Мінбер» журналистерді қолдау орталығы қоғамдық қорының президенті Есенгүл Кәпқызы, «Kaspi Bank»АҚ баспасөз хатшы Ербол Азанбек, «Әділ сөз» сөз студиясының бас редакторы Мұрат Мұқаш, «Заң» газетінің Бас редакторы Бекжан Әшірбаев, «Ұлан» газетінің бас редакторы Жұлдыз Әбділда, «Гүлстан» журналының PR-менеджері Батима Қабдолданова, Alma TV жарнама және PR директоры Адильбек Махмед, Астана Банк PR-менеджері Әлия Боранбаева, «Эйр Астана» авиакомпания корпоративтік коммуникация департаментінің маманы Нәзира Қайымова, «Кселл» АҚ PR-маманы Салтанат Бердіқұловалар дәріс оқып, өз тәжірибелерімен бөлісті.

Аталмыш шараның ашылу салтанатына Халел Досмұхамедов атындағы Атырау мемлекеттік университетінің орыс филологиясы және журналистика кафедрасының меңгерушісі, филология ғылымдарының кандидаты, қауымдастырылған профессор Мәншүк Мұқашева қатысып, аталмыш оқу орнының ректоры А.Талтеновтің жетекшілігімен жүзеге асқан оң өзгерістерді айта отырып, ондағы журналистика мамандығының бүгінгі тыныс-тіршілігімен таныстырып, алдағы жоспарларымен бөлісті. Кейін өзінің ақжарма тілегін арнаған соң, осы маңызы зор шараны ұйымдастырушыларға университет атынан естелік сыйлықтарды табыс етті.

Д.АЙБАРОВ


ПІКІРЛЕР

Тізімге қайта оралу

Хабарландыру!

9 Июл 2020 26