Жазғы лагерь маусымы аяқталды

Жазғы лагерь маусымы аяқталды

4 маусымда ашылу салтанаты өткен "English is Great" фестивалі 10 маусымда аяқталды.

Атырау мемлекеттік университеті "English for success" атты жоба аясында «Теңізшевройл» компаниясының қолдауымен Британдық Кеңеспен бірлесе отырып, аз қамтылған отбасы балалары мен алыс аудандардағы балалар үшін жазғы лагерь ұйымдастырған болатын.

Аталмыш лагерьге Құлсары және Атырау қалаларынан жолдама алған 19 оқушы қатысты. Лагерь ағылшын тілін дамыту мақсатында болғандықтан, бастан-аяқ ағылшын тілінде жүргізілді. АҚШ, Ұлыбритания, Малайзиядан келген еріктілер лагерь барысында Мариана Ван Граан таңертеңгі сағат 9:00 мен 12:00 арасында интенсивті ағылшын тілі сабағын жүргізді. Сондай-ақ Молли Иммерзил егінде тұратын қарақшылардың бейнесін қолдан жасатып, фотоға түсірудің қыр-сырын үйретсе, Джин Джил тоқыма тоқу шеберліктерін өткізді. Британдық Кеңес тренері Линда Смарт және ерікті Тони Мэйсон қатысушыларға арналған көптеген танымдық ойындарын ойнатты. Тағы бір айта кететіні, жазғы лагерь оқушыларының «Caspian club» демалыс орнына баруымен ерекшеленді.

Лагерь маусымының жабылуына арналған салтанатты кешті Атырау мемлекеттік университетінің бірінші проректоры - стратегиялық жоспарлау және халықаралық байланыстар жөніндегі проректор Айгерім Cенбекқызы мен студент Нұрхан Шауқаров жүргізді. Шара университетіміздің ректоры Абзал Ахатұлының құттықтау сөзімен басталып, әрі қарай лагерь оқушыларының ән айтып, флешмоб билеп, шағын көрме ұйымдастыруымен жалғасты.

Малика ТАКЕЖАНҚЫЗЫ, 

журналистика мамандығының студенті

 

 


ПІКІРЛЕР

Тізімге қайта оралу

Бүгін «НұрОтан» партиясының хатшысы -ҒабидоллаАбдоллаұлы Х.Досмұхамедов атындағы Атырау мемлекеттік университетінде болды

12 Сен 2019 20

Партия хатшысы алдымен оқу орнымен танысып, жастармен кездесу өткізді. Мұнда Президент Жолдауы жайында әңгімелер өріліп, Жолдауды іске асыру жолдары тілге тиек етілді. Жастармен кездесуде ашық әңгіме жүргізген Ғабидолла Абдоллаұлы жатақхана мәселесін де сөз етті. Студенттердің жатын орындарымен танысып, мән-жайды білген партия хатшысы өз сөзін былайша өрбітті.

Жолдауды талдау

12 Сен 2019 29

    ҚазақстанРеспубликасының Президенті Қ.К. Тоқаевтың «Сындарлы қоғамдық диалог – қазақстанның тұрақтылығы мен өркендеуінің негізі» – атты Қазақстан халқына Жолдауы 5 қыркүйек күні Атырау қаласының халыққа көмек көрсету орталығында  талқыланды.
    

Бизнеске бастар жол

12 Сен 2019 13

Бүгін университетімізде  Қазақстан Республикасы Қоғамдық даму министрлігінің мемлекеттік тапсырмасы шеңберінде «Жастар» ғылыми-зерттеу орталығы  «Мемлекеттік бағдарламалар арқылы жастарға кәсіпкерлікті қалай ашып, дамытуға болады» тақырыбында вебинар өткізді.